Lankidetza hitzarmen horren ondorioz, EHUk eta ANASek aldizkako elkarrizketak izango dituzte hainbat ikerketa proiektu martxan jarri eta garatzeko, bai aldebikoak zein kontsortzio zabalago baten barnean burutuko direnak. Era berean, erakunde biek beraien liburutegietako informazioa eta argitalpenak trukatuko dituzte, eta irakasle eta ikerlarien mugikortasuna erraztuko dute biek antolatuko dituzten ikastaroetan parte hartzeko aukerarekin.
Graduatutako zein graduko ikasleen trukea bultzatzea ere aurreikusten du sinatutako hitzarmenak, Europako Batasunaren markoaren eta nazioarteko beste egitasmo batzuen barnean. Mintegiak, sinposioak, ikerkuntza, egitasmo eta ikasketa planak elkarrekin antolatzeak, eta ekipamendu eta material espezifikoak eskura izateak osatzen dute sinatutako lankidetza-hitzarmenaren edukia. EHUk eta ANASek sinatutako lankidetza-hitzarmena herrialde bien artean ezarrita dagoen kulturaren eta zientziaren lankidetzarako markoan burutuko da eta lau urteko iraupena izango du, modu tazituan iraupen bereko aldietan luzatu ahal izango dena.
Euskal Herriko Unibertsitateak (EHU) lankidetza hitzarmena sinatu du gaur Azerbaijango Zientzien Akademia Nazionalarekin (ANAS), ikasketa-programa bateratuen garapena, irakasleriaren arloan trukea eta lankidetza, ikasleen prestakuntza eta ikerketa bultzatzeko asmoz. Hain zuzen, akordio marko bat da sinatutakoa, orotariko izaerarekin, beste akordio zehatzago batzuk garatzea ahalbidetuko duena, edozein sailetan (ingeniaritza, zientzia esperimentalak, ekonomia eta abar) eta edozein mailatan (ikerketa, irakaskuntza, kudeaketa eta abar), EHUko iturriek jakinarazi dutenez. EHU eta ANAS zientziaren garapenean eta gizartearen mesedetan honen aplikazioak garatzeko orduan ezinbesteko eginkizuna duten erakunde bi dira. Beraz, zientzia arloko esperientziaren eta ezagutzaren truke hau "oso garrantzitsua" da erakunde bientzat. Izan ere, biek dute interes eremu komunak, zientzia eta kultur arloetakoak, eta herri bien artean kulturaren eta zientziaren lotura akademikoak estutzeko interesa ere badute. Argazkian, Bilboko Ingeniaritza Goi Eskola Teknikoan sinatu dute lankidetza hitzarmena Miriam Peñalba EHUko Nazioarteko Hedakuntzako errektoreordeak eta Arif Hashimov Azerbaijango Zientzien Akademia Nazionaleko (ANAS) lehen presidenteordeak / © EHU.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun