Egitaraua:
10:00 Izen-ematearen irekiera Udaletxeko arkupean.
11:00 Harrera Plaza Berrian.
11:30etik 14:30era tailerrak:
- Harremanak eta sexualitatea.
- Komunikazioa.
- Kultura.
- Hezkuntza.
- Nekazaritza.
Ondoren bazkari herrikoia frontoian (txartelak egunean bertan izen-ematearekin batera salgai).
Behin bazkaldu eta gero herriko txoko ezberdinetan kultur maratoia burutuko da. Honako guneak egongo dira:
1.- Salto ausardiaz! Dantza afrikarrak eta zanpantzarrak. Ez ikusteko, normalean bezala, baizik eta ikasteko. Dantza afrikar ikastaroa emango dute. Zanpantzarrak ere trajea jantzi eta bere ibilera bitxia ikasteko aukera izango da. Honetaz gain rokodromoa eta zirkua ere egongo dira.
2.- Salto erritmoaz! Goienetxe familia, Norte Apache, graffiteroak… Euskal Herriko hip-hoparen adierazgarriak.
3.- Salto irudimenaz! Bideo eta irudi sorkuntzaz osatutako erakusketa gela ilunean. Gazteon ikus-entzunezko sormen lanak ikusteko aukera paregabea.
4.- Salto kalera! Gelditzeko unerik utziko ez digun kale animazioa.
5.- Salto sormenaz! Kontzertu didaktiko berezia musikari oso bereziekin eta ondoren bertso-hop emanaldi berezia.
6.- Salto zentzumenetara! Didgeridoo emanaldia, kontzertu lasaiak eta txalaparta emanaldi bereziak.
Gauldean, Salto Dantzara! Izateren kontzertua, erromeria Xeroxiette taldearekin eta sorpresa gehiago ere ez dira faltako!
Hilaren 22an, ostirala, Matxinsalto Eguna egingo dute Gipuzkoako Soraluze herrian. Aipatu jardunaldia, Euskal Herriko gazte ugari bilduko duen ekimenez beteriko eguna izango da. Antolatzaileek egun osoko egitaraua prestatu dute: "egitarau parte hartzailea oinarri eta bi hitzei leial: autogestioa eta koherentzia". Goizean neska-mutil guztiak elkartu eta harrera egin ostean, hainbat tailer egingo dituzte lantaldeetan banatuta. Antolatzaileek jakinarazi dutenez, norberak bere interesen araberako tailerretan "matrikulatu" ahal izango da. Ondoren, inguruko nekazarien garaiko produktuekin osatutako bazkari herrikoia egingo dute. Azkenik, behin tripak aseta, arratsalde eta gaua osoan zehar, herriko txoko ezberdinetan kultur maratoia burutuko dute hainbat gunetan banatuta. Informazio gehiagorako webgune berri bat jarri dute martxan. Argazkian, Matxinsalto Eguna aurkezteko prentsaurrekoa / cc-by Topatu.info.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun