"Jai herrikoiak" aldarri, makina bat ekimen, agerraldi, protesta, ospakizun... bizi izan du azken urteotan Euskal Herriak (aurrekoetan ere bai, jakina). Batzarrak, txostenak, kongresuak, pegatinak, pankartak, jaiuzteak... izan dira bidean, besteak beste, Algortan, Itzubaltzetan, Bilbon edo Berangon. Bertako udaletxeetako behin behineko okupen ipuinez nekatu eta kontuak eskatu zaizkie, usu, jai autogestionatuak aldarrikatuz. Denboraren eta hausnarketen poderioz, hamaika kolorez ere tindatu da aldarrikapena: "adin guztientzako jai herrikoi, euskaldun, parekide, parte hartzaile, ekologiko eta solidarioak" esan beharko luke egun Wikipedian ez dagoen artikuluak. Gorlizen, berriz, funtsezkoenera jo dute hainbat lagunek: Emma Calzadari txosnak eskatzeko ekimena abiatu zuten iaz Facebook-en. Zortea izan dezatela! Argazkian, 2009ko uztailaren 25ean, Aixerrotako Paella Egunean egindako txosnen inguruko protesta.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun