Aurten, urtero ez bezala, kontzertuetarako eta bazkarirako txartelak aparte egongo dira salgai. Gauzak horrela, lehenengoak 5 eurotan eskura daitezke UK tabernan, Amnistian eta Eztabaida gune antiautoritarioan. Bigarrenak, berriz, 8 eurotan, aurreko tokiez gain, Lauaxeta AEK euskaltegian, Udal euskaltegian, J.A. Agirre euskaltegian, Egizun, Bizarra Lepoanen, Ajuria tabernan eta Itzubaltzeta gaztetxean.
Horrenbestez, honako hauek izango dira apirilaren 12tik 16ra bitarteko ekimenak:
Apirilak 12, martitzena
Getxoko Txorimalo gaztetxean.
18:30 Hasiera ekitaldia: aurreskua, bertsolariak, traka.
20:00 Gaztetxeari buruzko bideoak.
Apirilak 13, eguaztena
Getxoko Txorimalo gaztetxean.
17:00 Agroolinpiadak (ekarri aldatzeko arropa).
20:00 Film laburrak.
Apirilak 14, eguena
Getxoko Txorimalo gaztetxean.
17:00 Argazki txapelketaren erakusketa.
19:00 Antzerkia.
21:00 Kantautorea: Moby Dick.
Apirilak 15, barikua: Herriaren eguna
Algortan zehar.
16:30 Umeentzako jolasak.
17:30 Txan magoa.
19:30 Poteoa
21:00 Bakarlaria Txorimalo gaztetxean.
Apirilak 16, zapatua: Txorimalo eguna
Algortako Telletxe plazan.
Goizean goiz Korrika.
11:00 V. Tortilla Txapelketa.
14:30 Herri bazkaria.
Ondoren kalejira gaztetxeraino.
19:00 Kontzertuak: Baltzak, KOP eta erromeria Txorimalo gaztetxean.
2006ko apirilaren 11an okupatu zuten Getxoko Txorimalo gaztetxeak bost urte bete ditu gaur, astelehenean. Hori dela eta, bihar hasi eta hilaren 16ra bitartean, ekitaldi ugari egingo dituzte bertan. Bihar, arratsaldeko 6:30ean ospakizunaren hasiera ekitaldia egingo dute; txupinazoa, aurreskua, traka, bertsolariak eta bideo emanaldia izango direla. Hurrengo egunetan, berriz, agroolinpiadak, antzerkia, film laburrak, kantautorea eta bakarlaria izango dira, besteak beste. Larunbatean, Korrika Getxo udalerrian barrena ibiliko denez, aldarrikapenarekin bat egin eta goizeko ekimenak AEKrekin batera burutuko dituzte Algortako Telletxe plazan. Izan ere, bertan tortilla txapelketa eta bazkaria egingo dituzte. Arratsaldeko zazpietan, berriz, nahi duenak gaztetxera igotzeko aukera izango du musika emanaldiaz gozatzeko, Baltzak, erromeria banda bat eta KOP taldea arituko direla. Argazkian, 2010eko apirilaren 6an abiatu zituzten Txorimalo gaztetxearen 4. urteurrena ospatzeko ekitaldiak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun