Agure getxoztar bat atxilotu dute adimen urriko neskato bati ukituak egitea egotzita
Getxoko Udaltzaingoak E.R.G. inizialak dituen 86 urteko gizonezkoa atxilotu du, sexu askatasunaren kontrako delitu baten egilea delakoan. Herenegun, astelehenean, poliziak dei bat jaso zuen 18:00ak aldera, Areetako Xake plazaren inguruan, pertsona edadetu batek berarekin zihoan adimen urriko emakume gazte bati ukituak egiten ari zitzaizkiola esanez, udal iturriek zabaldu dutenez. Besteak beste, gizonak neskari eskua hartu eta genitaletara hurbildu zuela adierazi omen zieten udaltzainei lekukoek. Agenteek gizona atxilotu eta, era berean, emakumea bere etxera eraman zuten, bere amari gertatutakoaren berri emanez. Keltse Eiguren Berdintasun zinegotziak mota honetako jokaerak errefusatu ditu eta adierazi du, “sexu askatasunaren kontrako edozein gertaera gaitzesgarria bada ere, are gehiago biktima adimen urritasuna duen pertsona denean”. Argazkian, Algortako Bilgune Feministaren protesta bat.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun