Atzo, asteartearekin, abiatu zituzten Getxoko Txorimalo gaztetxeak bete dituen bost urteak ospatzeko urteurren ekitaldiak. Aurten, aurrekoetan ez bezala, bertsolaririk gabe ekin zioten hasierako ekitaldiari. Hala ere, horrek ez zuen galarazi bertaratutako 25 bat lagunek ospakizunak aurrera eramatea. Hortaz, gaztetxeari aurreskua dantzatu eta, ondoren botatako suziri-trakarekin, ke artean, lunchari eman zioten bidea, aste osoan zehar izango diren ekitaldiei hasiera emanez. Gaur berriz, landa-olinpiadak egingo dituzte arratsaldeko bostetatik aurrera eta, ondoren, 20:00etan, film laburrak ikusteko aukera izango dute bertaratutako gazteek. Hurrengo egunotan ere, zertaz gozatzea izango da. Argazkian, aurten hiruna suziri-trakarekin eman zioten hasiera urtemuga ospakizunei.
Apirilak 16, zapatua: Txorimalo eguna
Algortako Telletxe plazan.
Goizean goiz Korrika.
11:00 V. Tortilla Txapelketa.
14:30 Herri bazkaria.
Ondoren kalejira gaztetxeraino.
19:00 Kontzertuak: Baltzak, KOP eta erromeria Txorimalo gaztetxean.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.