Artearen Hilerrian egiten den lurperatze prozesu bakoitza katalogatu eta dokumentatu egiten du bere oinarrizko lerroetan museoa kudeatzen duen Partzuergoak, etorkizunean bertan dauden arte-lan guztietara sarbide oso eta zehatza ahalbidetzeko aukera emango duen Dokumentu Zentro bat sortzeko asmoarekin.
Larunbatean, Arte Ederretako Fakultateko ikasle eta irakasleek lurperatuko duten eskultura segidan jarrita dauden harzurizko hainbat harri-landuk eta lurrean jarrita dauden buztin-errez egindako hainbat esferek osatzen dute. Hauen artean dauden tarte hutsek jarraitu beharreko norabidea erakusten dute. Eskulturarekin batera, egurrezko kutxa txiki bat ere lurperatuko dute. Barruan, ehun bat objektu txiki eta mezu sartu dituzte Fakultateko ikasle eta irakasleek.
"Lan honen sinbologia etorkizunerantz proiektatu nahi diren iraganean eta orainean kokatzen da. Bide horrek denboraren bizi-esperientzia irudikatzen du, jarraitutako bidea eta talde parte hartzearen garrantzia ardatz duen asmo bat. Lan bat erakusten den bakoitzean, artistak etorkizun ezezagun bati egin behar dio aurre. Ez da kasua. Lurperatze honekin ziurgabetasuna desagertu egiten da, lana betikotasunera proiektatzen delako", azaldu dute proiektuan parte hartu duten ikasleek.
Bidea Proiektuaren lurperatzearen ekitaldia goizeko 12:00etan hasiko da Morilleko Udal Tenadetan. Handik, EHUko ikasle eta irakasleak Artearen Hilerrirantz joango dira segizioan, gaita eta tanborilekin batera. Behin hilerrian, txalapartaren doinupean, ekitaldi horretarako berariaz idatzitako testu bat eta poesia bat irakurriko dituzte. Lurperatzea bukatuta, parte hartzaileek elkartasun jardunaldi bat ospatuko dute Morille herrian antolatu dituzten hainbat ekimenen bidez.
Arte Ederretako ikasle eta irakasleek eskultura bat lurperatuko dute etzi Leonen
Bihar, ostirala, EHUko Arte Ederretako fakultateko ikasle eta irakasle talde bat Leongo Salamanca herrialdeko Morille-ko Artearen Hilerrira abiatuko da. Bertan, Bidea Proiektuaren bidez, eskultura lan bat lurperatuko dute. Lurperatze ekitaldia larunbatean egingo da, eguerdian. Artearen Hilerria 2005ean inauguratu zuten eta 50.000 metro koadro dituen lur-eremu batek osatzen du. Hilerri berezi hori balio artistiko handia duten edo artearen munduarekin estu-estu lotuta dauden lanak lurperatzeko sortua izan da, eta ikuspuntu anitzeko lanak biltzea da bere ezaugarri nagusia. Gaur egun toki horretan izen handiko artistek eginiko hogei bat arte-lan daude lurperatuta. Horien artean nabarmentzekoak dira Espainiako Arte Plastikoen Saria den Esther Ferrerren "Performance a varias velocidades" eta Espainiako Antzerkiaren Saria den Fernando Arrabalen "A tocateja". EHUko Arte Ederretako Fakultateak sortutako eskultura hilerri bitxi horrek hartuko duen lehen artista berrien eta taldean sortutako lana izango da. Argazkia: © Morille.es.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun