![](http://farm2.static.flickr.com/1010/5185299686_c75ba201d7_m.jpg)
Imanol Lazkano eskarmentu handiko bertsolari azpeitiarra Algortan izango da datorren maiatzaren 3an, asteartea,
Algortako Bertsolari Eskolako (ALBE) kideekin egoteko. ALBEk bazkide eta bertsozale guztiak gonbidatu ditu "Lazkanoren jakinduriaz disfrutatzeko". Ekimena Aldai Patronatuan izango da, arratsaldeko 8etan. Lazkano 1936an sortu eta txiki-txikitatik bertsoarekiko zaletasuna agertu zuen. Plazarako jauzia eta Gipuzkoako Txapelketara 60 hamarkadan egin zuen. 80 hamarkadan, berriz, "bertsolaririk garrantzitsuenetakoa" jotzen da, Euskal Herriko Txapelketa Nagusiaren finalera birritan heldu zela. Horretaz landa, "bi garai eta tradizioren arteko zubi lana egitea" leporatzen zaio, "eredu klasikoen eta berrizaleagoen artekoa". 1987an, Euskal Herriko Bertsozale Elkartea (EHBE) sortu zenean Lazkano izendatu zuten lehendakari. 18 urtez jardun zuen bertsolaritza gidatzen, Iñaki Muruak lekukoa 2005ean hartu arte. 2003an memoriak idatzi zituen eta egun, bertso saio solte batzuk kenduta erretiratuta dago. Argazkian, Imanol Lazkano, eskuman, Kupela taldearekin abesten, Algortan / © "Hitzetik Hortzera" - Euskal Herriko Bertsozale Elkartea - EITB.