Algortan, Telletxe plazan izango dira jarduerak eta, eguraldi txarra izatekotan, lekuz aldatuko dira, Juan Bautista Zabala ikastetxera, hain zuzen ere. Ostegunean, 12:00etan hasiko da programa jolas puzgarrien parkearekin; 18:30ean, "Rum Rum Rock" dantzaldia egongo da. Biharamunean, ostiralean, zirko tailerra (12:00) eta "Zintzoren ametsa" euskarazko antzezkizuna izango dira. Larunbatean, hilak 23, buru-hausgarriez (12:00) eta Potxin eta Patxin pailazoen ikuskizunaz (18:30) gozatu ahal zango dute haurrek. Igandean, ludoteka (12:00) eta Kidam magoaren ikuskizuna (18:30) izango dira eguneko protagonistak. Azkenik, astelehenean, apirilak 25, EVAzko giltzarri, karpeta eta eskumuturrekoen tailerrak (12:00) eta festa (18:30) egongo dira. Azken horretan DJ bat ariko da.
Areetako eskaintza
Areetan jarduera guztiak Eskoletako plazan, Ipotxen plaza bezala ere ezaguna dena, izango dira egunero ordutegi bera izango dutela: goizez,12:00etan eta arratsaldez, 18:30ean. Ostegunean, zirko tailerra eta pailazo ikuskizuna izango dira bertan eta, ostiralean, hilak 22, jolas puzgarrien parkea eta dantzaldia. Larunbatean, ludotekaren eta "Zintzoren ametsa" antzezkizunaren txanda izango da eta igandean, tailerrek (txirrikak, makillajea eta turutak) eta festak (DJ musikarekin) hartuko dute lekukoa. Azkenik, astelehenean "La cocina de la risa" joko-saioaz eta Kidam Magoaren ilusionismo ikuskizunaz amaituko da egitaraua.
Haur zinema jardunaldiak espainolez
Ohi bezala, zineak ez du kale egingo Aste Santuko oporraldian eta, Haur Zinema Jardunaldien eskutik, adin guztientzako sei film eskainiko dira Getxon, haietako bost espainolez eta bakarra euskaraz. Proiekzio guztiak Areetako Andres Isasi Musika eskolan izango dira 17:00etan eta sarrerek 2,10 euro balio dute. 28. ekitaldian, Jardunaldiek honako film hauek eskainiko dituzte: "El pequeño rey Macius", "La montaña magica", "Rolo eta ilarraren sekretua" (euskarazko bakarra), "Ga'hoole: la leyenda de los guardianes", "Arthur y la venganza de Maltazar" eta "Cazadores de dragones".
Etzitik, ostegunetik, eta astelehenera arte haurrentzako jarduera ugari antolatuko ditu Getxoko Kultur Etxeak. Ekimen horien bidez, gaztetxoei Aste Santuko oporraldiaz kalean gozatzeko aukera eman eta Algortako eta Areetako ostalaritza sustatu nahi dute. Horrela, bost egunetan zehar, ludotekak, antzerkia, tailerrak eta zirko ikuskizunak izango dira, besteak beste, Algortan zein Areetan. Besteak beste, pailazo ikuskizunak, ludotekak, puzgarriak, antzerkia, tailerrak eta musika izango dute eskura gaztetxoek hamabi egunetan zehar. Jarduera programa Haur Zinema Jardunaldien proiekzioez osatuko da apirilaren 26tik maiatzaren 2ra. Ohi bezala ia filma guztiak espainolez eskainiko dizkiete umeei.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun