Udal hauteskundeetarako zerrendak
Foru hauteskundeetarako zerrendak
Datorren maiatzaren 22ko udal hauteskundeetan 63 zerrenda lehiatuko dira Uribe Kosta eta Erandioko hamar udalerrietako alkatetzak eta zinegotzi postuak eskuratzeko. Udal guztietan lau alderdi eta koalizio baino ez dira aurkeztu: EAJ, PP, PSE-EE eta Bildu. Ondoren, Ezker Batuak zazpi zerrenda osatu ditu, Gorliz, Lemoiz eta Plentzia alde batera utzita. Bere atzean, Aralarrek sei hautagaitza eraman ditu aurrera, Barrika, Berango, Lemoiz eta Urdulizen ez dela aurkeztuko. Bina zerrenda aurkeztu dute Berdeek eta PSyV, PSE-EEren eszisioa. Ekologistek Barrikan eta Sopelan izango dira. Konstituzionalistak, ordea, Getxon eta Leioan. Azkenik, zerrenda bana osatu dute UPyD, PUM+J (biak Getxo udalerrian) eta Plentzia, Gorliz, Getxo eta Barrikako independenteak. Azken kasu hori, Juan Jose Ezpeleta Perez egungo alkate jeltzaleak aurrera eramandako eszisioa da. Bitartean, Lemoizen 9 zinegotzi izango dira aurten, 2007an baino bi gehiago, biztanleria hazi delako. Argazkian, 2007n eskualdean boto gehien eskuratu zuen zerrenda Getxoko EAJrena izan zen. Atzo egin zuten talde berriaren aurkezpena / © Getxoko EAJ.
Foru hauteskundeei dagokienez, Uribe-Busturia barrutian bozkatu ahal izango dute eskualdeko hautesleek. Bertatik, hamar zerrenda aurkeztu dira: EAJ, PP, PSE-EE, Bildu, Ezker Batua, Aralar, Berdeak, PSyV, PUM+J eta Euskadiko Karlista Alderdia (EKA).
Udal hauteskundeetarako zerrendak
Foru hauteskundeetarako zerrendak
Udal hauteskundeetarako zerrendak
Foru hauteskundeetarako zerrendak
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun