Aurten ere sukaldaritza ikastaroa egingo du Berbotsek

Urtero lez, sukaldaritza ikastaroa prestatu du Berbots Erandion Euskaraz! elkarteak. Izen-ematea e-postaz (berbots[abildua]gmail.com) edo telefonoz (630 404 171) egin daiteke, maiatzaren 2ra arte. Ikastaroa asteartero egingo dute, 20:00etatik 21:30era arte. Lehenengo saioa maiatzaren 3an izango da. Azkena, berriz, ekainaren 7an. Aurreko urteetan, besteak beste, bakailao eta otarrainska lasagna, sagar frijituak, piper berde beteak patata tortillagaz txipiroi saltsan... prestatzen ikasi zuten su artean ibilitakoek. Aurten, errezeta berriak landuko dituztela jakinarazi dute arduradunek. Bestalde, laster Kanpomartxo izango dela gogoratu dute Berbotsekoek. Aurten, maiatzaren 8an, igandearekin, izango da Asuan. Argazkian, Berbots elkarteko kideek 2009an egindako familia irudia / © Berbots Erandion Euskaraz!.