Itsasadarraren bi aldeak Biziberritzeko Plana abian jartzearen alde agertu zen atzo Jose Antonio Pastor. Lamiakoko Vicrila enpresara egindako bisitan eman zuen asmoaren berri Bizkaiko ahaldun nagusi izateko PSE-EEko hautagaiak. Susana Gonzalez eta Juan Otermin, udal hauteskundeetan Leioa eta Erandioko alkategaiak, izan zituen lagun bozeramaile sozialistak. Pastorren hitzetan, "PSE-EEko ahaldun nagusi berri batek zuzenduta, itsasadarraren bi ertzak berriro Bizkaiko industria eta ekonomiaren eragile bilakatzea da helburua". Bere ustez, udalez eta Aldundiaz gain, Eusko Jaurlaritzak eta Espainiako Gobernuak parte hartu beharko lukete egitasmoan; "eta nola ez, nahastuta dauden sektoreek, sindikatuek eta enpresariek". Horretaz gain, Bildu koalizioaren zerrendak baliogabetzeko eskaerei buruz hitz egin zuen Pastorrek; baita PPri "terrorismoaren kontrako politika hauteskunde armatzat erabiltzea" aurpegiratu ere. Argazkia: © PSE-EE.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun