Web orriak udalerriko informazioa eskainiko du. "Eduki ugari" ere izango omen du, "modu erakargarrian aurkeztutakoak eta azken aukera teknologikoak erabiliz". Urdulizen irudi berrian oinarriturik plataforma "modernoa" sortu da, "intuiziozkoagoa, erabilgarriagoa eta eduki berriekin". Arlo batzuei buruzko informazioa (udal zerbitzuak, turismo eta kultur eskaintza edo euskara, besteak beste) emateaz gain, "helburua Urdulizko egungo egoera argi eta azkar eskaintzea da", adierazi dute udal arduradunek.
Webgune berria hainbat ataletan banatuta dago udalerriaren informazio osoa emateko. Gainera, lotura interesgarriekin eta mapa interaktiboarekin osotu dute gunea. Izan ere, "webgune berria interaktiboa izatea lortu nahi da, baita aldakorra ere, informazio beharren arabera eta herrian gertatzen diren aldaketen arabera", arduradunek esan dutenez.
Urdulizko Udalak www.urduliz.eu webgune berria garatu du Bizkaiko Foru Aldundiak sustatutako BiscayTIK proiektuarekin batera. Atari berriari esker, "modernoagoa izanik eta, era berean, erabilgarriagoa, herritarrei eskaintzen zaien zerbitzuak kalitate-jauzi handia emango du. Horrela, Udala egunean 24 orduz egongo da irekita interneten, asteko zazpi egunetan", adierazi dute tokiko arduradunek. Gainera, laster posible izango da udal izapide ugari interneten bidez egitea, udaletxera joan beharrik gabe. "Web berriari esker hainbat izapide telematiko egin ahal izango dira eta horietako bakoitzari lotutako dokumentazioa deskargatu ahal izango da, Udalak modu digitalean sinatu eta balioztatutakoa", azaldu dute udalekoek. Halaber, egin gabe dauden izapideen egoera egiaztatzeko aukera ere eskainiko du gune berri horrek, "baita izapideen historiara sartzeko edo aurreko aldietan eskatutako dokumentuak deskargatzeko ere", gaineratu dute. Argazkian, Urduliz herria.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun