Maiatzaren 22ra begira, hauteskunde mahaiak osatuko dituzten ahaldunak aukeratu zituen atzo, ez ohiko osoko bilkurak, Leioako Udalbatzak. Sistema informatikoaren bidez egindako zozketan 333 ordezkari titular zein ordezko hautatu zituzten, udalerriko 9 hauteslekuen 37 mahaiak osatzeko, tokiko iturriek zehaztu dutenez. Aukeratutakoek notifikazioa jasoko dute hurrengo egunetan. Mahai bakoitzeko presidente bat eta beste kide bi aukeratu dira, eta horietako bakoitzarentzat ordezko bi, guztira bederatzi lagun mahaiko. "Jakin beharrekoa da ere, Leioako hautesle gehiago izan ahal dituen mahaiak 918 leioaztarren bozkak har ditzakeela", aipatu dutenez. "Horretaz gain, ez dago berebiziko aldaketarik. Beraz, leioaztarrek euren ohiko hauteslekuan eman ahal izango dute euren bozka", udal arduradunek diotenez. Argazkian, panel bat alderdien kartelez beteta, aurreko batean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun