Egitaraua:
Apirilaren 30ean, larunbata:
• 11:30ean, Astrabuduan, Txikien alardea: Goi-Alde, Trabudu eta Uztargi dantza taldeek hartuko dute parte.
• 20:30ean, Dantza agerraldia, Altzagako merkatu zaharrean: Euskal Herriko lurralde gehienetako dantzak bilduko dituen ikuskizuna. Bertan, Erandioko taldeek hartuko dute parte eta baita gonbidatutako beste talderen batek ere.
Apirilaren 15etik maiatzaren 2ra arte:
• Dantza jantzien erakusketa Astrabudua eta Altzagako dendetan.
• Iraultza dantza taldeko Ramon Garciaren jantzi bilduma Astrabuduako Josu Murueta kultur etxean.
• “Euskal folklore eta jantziak” izenburuko hitzaldi-tailerra Astrabuduako Josu Murueta kultur etxean.
Maiatzaren Lehenean, Euskal Herriko Dantzarien Eguna:
• 11:30ean, Taldeen erakustaldia:
- Gipuzkoa: Ezpata dantza, agurra eta zinta dantza.
- Nafarroa: Orbaitzetako joko dantza eta Auritzeko ingurutxoa.
- Bizkaia: Dantzari dantza, makil joko nagusia, arku dantza eta dominguillo.
- Nafarroa Beherea: Soka dantza, Euskaldunak, Sorginak eta Kadrila.
- Lapurdi: Ahurtiko Makil dantza, Makil txiki berri eta Beteluren fandangoa.
- Zuberoa: Barrikada arribada, Ostalersa, Satanak, Aitzina pika, Godalet dantza.
• 13:30ean, Erakustaldiaren amaiera.
• 14:00etan, Goizeko ekintzen amaiera
• Bazkaltzeko tartea
• 16:30ean, Luhartz taldearekin erromeria.
• 20:00etan, Eguneko ekintzen amaiera.
Euskal Herriko Dantzari Eguna egingo dute igandean Erandio Landan
2011ko api. 28a, 18:40
Euskal Herriko hainbat txokotatik etorritako dantzari ugarik Erandio Landa hartuko du igande honetan, maiatzaren lehenean. Euskal Dantzarien Biltzarrak antolatuta, Euskal Herriko Dantzari Eguna egingo dute aipatu auzoan. Bertan, euskal lurralde gehienetako dantzak egongo dira ikusgai bertaratutako taldeen eskutik. Hala ere, dantzen ikuskizunak ez dira soilik egun horretara mugatuko. Izan ere, Euskal Dantzarien Biltzarrak, igandea iritsi aurretik, zenbait ekintza antolatu ditu udalerrian zehar, hala nola, txikien alardea, erakusketak eta dantza agerraldia. Gainera, bi aste barru, maiatzaren 15ean, Getxo udalerrian ospatuko da Bizkaiko Dantzari Eguna. Argazkian, euskal dantzak, 2007ko Leioako Txitxiburruntxi egunean.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun