Kartelekin jarraituz, aurkeztutako edozein formatu ontzat hartuko da, digitalki erabiltzeko aukerarik badago. Lanak originalak izan beharko dute, hau da, beste lehiaketa batzuetan aurkeztu ez direnak. Ezin izango dira, beraz, beste sariketa edo artista batek aurkeztutakoak izan, ez bere osotasunean, ezta zatika ere. "Horrelakorik gertatuko balitz, parte hartzailea lehiaketatik kanpo geratuko litzateke", jakinarazi du Udalak. DIN A3 tamainakoak izan beharko dute gutxienez, eta formatu digitalean aurkeztutakoen kasuan, berriz, JPEGen 300 ppp-tako kalitatean. Lanetan ez da egilearen daturik jarri behar. Datuak lan bakoitzarekin batera eman beharko den gutun-azal batean sartuko dira, kanpoan ezizen bat idatziz eta honen barruan izen abizenak, helbidea, eta telefono zenbakia.
Sariak:
- Lehen saria: 600 euro.
- Herriko partaideentzako saria: herriko klasifikatu onenari 150 euro.
Accesitak:
- 6 urte bitartekoak (sari gabekoak): 40 euro margo eta marrazkirako materialean (egile ezberdinen artean bana daiteke).
- 11 eta 14 urte bitartekoak (sari gabekoak): 60 euro margo eta marrazkirako materialean (egile ezberdinen artean bana daiteke).
- 15 eta 18 urte bitartekoak (sari gabekoak): 80 euro margo eta marrazkirako materialean (egile ezberdinen artean bana daiteke).
Saririk gabeko lanak maiatzaren 20tik aurrera batu ahal izango dira Kurtzio Kultur Etxean, goizeko 11:00etatik 14:30era eta arratsaldeko 16:00etatik 20:00etara. Saria eman gabe gelditu daiteke.
2011ko San Pedro eta Karmen jaietarako kartela hautatzeko lehiaketa jarri du abian Sopelako Udalak. Sariketak ez du adin mugarik, eta partaideak banaka edo taldeka aurkez daitezke. Gaia librea da, baina udalerri horretako jaiekin zerikusia izan beharko duela ohartarazi dute antolatzaileek. Kartelak koloretan aurkeztu beharko dira, erabilitako teknika librea delarik. Parte hartzaileek beren lanak Kurtzio Kultur Etxean aurkeztu beharko dituzte, maiatzaren 13a baino lehen, astelehenetik ostiralera. Goizez, 11:00etatik 14:30era eta, arratsaldez, 16:00etatik 20:00etara. Bestalde, urtero bezala, Ugeraga taldeak eta Sopelako Udalak areto futbol txapelketa antolatu dute. Izen emateko epea irekita dago jada eta partidak maiatzean hasiko dira. Finala, betiko lez, San Pedro egunean jokatuko da, herriko jaietan, aurten uztailaren 1ean. Iazko 20 taldeak arituko dira eta beste lauk edukiko dute sariketa jokatzeko aukera. Argazkian, Eguzkilore dantza taldea 2010eko San Pedro jaietan / © Sopela.net.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun