Gaur hemen elkartzen garenok gure bizitzako hoberena miserableak egiten gaituen sistemari ematera beharturikoak eta hamarkadetako mobilizazioetan lortutakoa murrizten digutenaren testiguak gara. Langabeak, baztertuak eta marjinatuak ere bagara, sistemarentzat soberan gaudela ikusten dugu. Soilik sistemaren lan engranajeko pieza bezala ikusitako ikasleak gara. Sistemak, gure jaioterria uztera behartu gintuen sistema berak bazterturiko etorkinak gara. Gure buruengandik urruntzen gaituen patriarkatuaren menpeko gizabanakoak gara. Munduan zehar borrokan dirauten herriekiko internazionalista solidarioak gara. Gizabanako eta komunitate gisa emantzipatzeko erabakia hartua dugunak gara. Gure ametsen jabe izateko eta arnas hartu ahal izateko espazioak askatzen ditugun okupak gara. Ekologistak eta mundua kolapsora eramaten duen garapen logika baten kontrako borrokalariak gara. Azken finean, aukera bakartzat saltzen diguten bizitza miserablea ukatzen dugunak gara.
Azken greba orokorra zela eta, pentsio erreforma nahi ez genuela, baina gure benetako borroka kapitalismoaren aurka eta bizitzeko eta erlazionatzeko beste modu bat sortzearen aldekoa zela esan genuen. Iadanik ez digula balio esplotazio "gizatiarrago" batek. Gaur, sistema honen kontrako borroka inoiz baino beharrezkoagoa da. Gure apustua mobilizazio politiko horizontalerako espazio bat sortzea da, elkartu eta gure borroketan zuzenki parte hartzeko gune bat. Maiatzaren Lehena edo greba orokorrak bezalako datetan mobilizatzeko, baina baita gure egunerokotasunean ekiteko gune bat. Alderdi politiko eta erakunde bertikalen logika hauteskunde-zaleetatik eta sindikatuen planteamendu negoziatzaileetan eroriko ez den gune bat.
Arriskuak aitortu barik ez dira jendarteak aldatzen eta egoera aldatzera, aldaketa sakona bultzatzera dei egiten dugu.
Maiatzaren Lehenean 11etan Indautxuko Plazan ikusiko garelakoan.
Maiatzak 1 autonomoa kolektiboak asteartean Indymedia Euskal Herrian argitaratutako artikulua
[cc-by-sa Maiatzak 1 autonomoa - Indymedia Euskal Herria] Aurtengo Maiatzaren Lehen honetan egoera etsigarria da. Gure eguneroko miseriak sortarazten dituen sistema salbatzeko gure dirua esplotatzen gaituztenei oparitzen hasi ziren. Baina gutxi iruditu zitzaien eta harago joan ziren, Gobernuak neurri anti-sozial multzo hartzera derrigortuz: herstura plana, lan erreforma, pentsioen erreforma eta kode penalaren erreforma. Aldi berean, espainiar Estatuko sindikatu handienek, CCOO eta UGT, ospatzeko zerbait egongo balitz bezala, festa giroan desfilatzen dute, mobilizazio soziala geldiarazten. Egoera hau ikusita, zenbait pertsonak gurea dena defendatu eta justutzat jotzen dugunagatik borrokatzeko bat egiteko beharra ikusi dugu. Kapitalismoaren eraso testuinguru honetan, maiatzaren lehena ezin da ospakizun eguna izan, borroka eguna baizik. Argazkian, pikete bat Algortan pasa den urtarrilaren 27ko greba orokorrean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun