Kolpearen ondorioz ezezagunen autoa geldirik lotu denean, udaltzain bat autotik irten da hurbiltzeko asmoz. Orduan, bertsio ofizialaren arabera, balizko ebasleek autoa berriz piztu eta aurrera jo dute poliziarengana hurbilduz. "Ibilgailua bere lankidea harrapa lezakeela egiaztatzean, beste polizia batek arauzko arma erabiltzea erabaki zuduen, zerurantz mehatxuzko tiro bat eginez. Baina, ibilgailuak martxan jarraitu duela ikusirik, beste tiro bat egin du, autoaren atzeko gurpilaren aurka", dio Europa Press-ek jasotako bertsio horrek. Dena dela, ibilgailuak ihesarekin aurrera jo du eta "harrapatua ez izateko, agenteak salto egin behar izan du". Halere, poliziak ez du zauririk.
Susmagarrien autoa Errekagane kaleko izkinean gelditu da, aurreko ezker gurpila lehertuta. Hori dela eta, lau pertsona jaitsi, korrika atera, metroko hesia saltatu eta trenbidera heldu dira. Bere aldetik poliziak Gobela geltokira abiatu dira eta hor ihes egindako gizonezkoetako bat harrapatu dute, "trenbidean makurturik". J.B.R. 23 urteko gaztea da atxilotutakoa, aurretik beste 14 aldiz harrapatu dutena eta zigor-aurrekariak dauzkana. Bilaketa lanak egin arren, udaltzainek ezin izan dituzte beste hiru pertsona topatu.
Getxoko udaltzainek pare bat tiro bota dute goizaldean Itzubaltzeta / Romon ustezko lapur batzuk ihes egiten zebiltzan autoa gelditzeko asmoz. Europa Press albiste agentziak zabaldu duenez, gertaera goizaldeko 1:59an jazo da, Udaltzaingo patruila batek Luis Lopez Oses kaleko denda batean zenbait pertsona lapurtzen topatu ei dituenean. Auzokide batzuen arabera, gertaera bertako tabako dendan eman da. Edozein kasutan, poliziak ikusirik, ustezko lapurrek Citroen C4 ibilgailu batean ihes egin dute ziztu bizian eta udaltzainak haien atzean abiatu dira jarraiki. Gorbeia mendia kalean susmagarrien autoa geldiune bat egin eta Kresaltsun egon diren bi gizonezko igo dira bertara, poliziek esandakoaren arabera. Une horretan, kontrako noranzkotik beste polizia auto bat heldu da eta talka egin du ustezko lapurren autoarekin Kresaltxu eta Ganeta kaleen arteko tartean. Argazkian, udaltzain bat Itzubaltzeta / Romon artxiboko irudi batean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun