Igoera fasean protagonismoa izan dute Leioako emakumeek eta banakako sariak ere jaso dituzte: Vanesa Freirek igoera faseko jokalari onenaren saria jaso du eta Leire Sarasola izan da txapelketako golegile nagusia. Leioako jokalaria den Xemeinen lana ere azpimarragarria izan da igoera fase honetan.
Ondorioz, gaurkoan Leioak eta San Vicentek neurtu dituzte indarrak. Irabazleak Lehen Mailara igotzea zuela saritzat. Jon Lopezek zuzentzen duen taldea jaun eta jabe izan da partida guztian zehar eta 7 eta 1eko azken emaitzarekin garaipena eta Lehen Mailara igotzea lortu dute.
Ceutan jokatutako beste igoera fasea Caballak irabazi zuen eta talde hau izango da datorren denboraldian Lehen Mailan Leioa Waterpolo taldearekin batera.
San Vicenteren aurkako partidaren azken uneen bideoa (© EITB)
Leioa Waterpoloko emakumeen taldeak Lehen Mailara igotzea lortu du gaur eguerdian Askartza ikastetxeko igerilekuan. Eitb.com-ek zabaldu duenez, Jon Lopezek zuzentzen duen taldeak emakumezkoen Bigarren Mailako Waterpolo Txapelketa edo igoera faseko bi partidak irabazi ditu eta maila gorenera igotzea lortu du horrela. Iragan urtean leioaztarrak igo ziren baina ezin izan zioten mailari eutsi. Denboraldi bat beheragoko mailan emanda berriro igo da maila gorenera. Leioak aurkaria jipoitu zuen larunbatean jokatu zen igoera faseko lehen partidan. Jon Lopezen neskek 25-4 irabazi zioten Castellori. Beste partidan, San Vicentek 3-15 irabazi zion Maristasi. Gaur, berriz, 7 eta 1 irabazi dute bertako emakumeek, zaleek osatutako uholde berdea lagun izan dutela. Argazkian, Leioa Waterpoloko neskak aurreko partida batean / © Leioa Waterpolo.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun