Hego Korean jokatzen ari den Munduko Taekwondo Txapelketan, bihar hasiko da lehian Elaia Torrontegi plentziarra, Europa Press albiste agentziak zabaldu duenez. Final hogeita hamabirenetako kanporaketetan arituko da, 46 kiloko kategorian. 2009an Copenhague-n (Danimarka) jokatutako nazioarteko lehiaketan saio erabakigarrietatik kanpo, gutxigatik, geratu zen Torrontegi. Ordutik hona izandako ibilbide bikaina ikusita, Korean dominaren bat irabazi dezakeela pentsa daiteke. Bilboko Gimnasia Klubeko neskak argi dauka zeintzuk izango diren aurkaririk gogorrenak: Korea, Taiwan edota Tailandiako ordezkariak, "borrokalari turkiar eta alemaniarrak ahaztu barik, noski". Azken horiekin lehiatu behar izan zen plentziarra, martxoan Hanburgon jokatu zen Alemaniako Taekwondo Txapelketa Irekian. Horretan, zilarrezko domina irabazi zuen Torrontegik. Argazkian, Elaia Torrontegi / © Taekwondo Arrigorriaga.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun