Harrigarria da, gainera, erabaki hori legitimatzeko eurekin batera joan diren bidaia lagunak. EAren aberri mailako exekutibak Bildu sortu du eta bide batez alderdi ezberdindu bezela harakiria egiteko erabakia hartu du, hau da, Batasunari bere historia zuritzeko premian laguntza guztia eman dio. Zaila da imajinatzea zer pentsatuko duten EAko abertzale historikoek euren gaur egungo Idazkari Orokorra, Pello Urizar, biribilketa batean “la internacional” dantzatzen ikustean. Argazki horretan eroso sentituko ote dira benetan?
Ez da harritzekoa, beraz, Garaikoetxearekin batera EA sortu zuten pertsona asko eta asko (adibide moduan Mario Fernandez, Pedro Luis Uriarte, Juanjo Pujana, Oliveri, Ormazabal, Oregi, Azkarraga, Iragorri eta abar luze bat...) azken urteetan taldetik joan izana. Gehiengo zabal bat gainera handik irten eta EAJ-PNV-n militatzen hasi dira gainera.
Eta Leioan, zer? Ba nekez imajina daiteke EAko ohiko bozka-emaile bat eroso edo aktibo egon daitekeenik betiko Batasunarekin batera koalizioan. Gutxi baitute amankomunean, ez sakonean, ezta formetan ere.
Leioako EAJk "Gure Lurra" aldizkariaren 98. zenbakian argitaratutako artikulua
[© Leioako EAJ - "Gure Lurra"] Duela berrogeita hamar urte baino gehiago (hauetatik hogeita hamar demokrazia ezarri zenetik) ETA legez indarkeria zuzenean erabili dutenek, edo babestu eta justifikatu egin dutenek, Batasuneko mundua (Sortu, gaur egun), gehiengo handi batean bide erabat politiko eta baketsuak erabiltzeko erabakia hartu dutela dirudi. Gainera erabaki horretan Espainiako legedia erabat onartzen dute politika posibilista bat egite aldera. Ondo da. Ongi etorri errealitatera. Ezbairik gabe albiste ona da. Hala ere, tragedia itzela da erabakia gure gizartean heriotza eta mina ereiten hamarkadak pasatu ostean eta ez lehenago hartu izana. Bidean, bide bazterrean, milaka pertsona, familia urratuak, hildakoak, umezurtzak, alargunak, mutilatuak, mehatxatuak, kaltetuak, presoak, errefuxiatuak... Eta hau guztia, zertarako? Erantzuna zor diote euskal gizarteari eta oraindik ez diote eman. Argazkian, Eneko Arruebarrena Leioako alkatea eta hautagai jeltzalea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun