Bestalde, Bilduren zerrenden baliogabetzea salatzeko kalera ateratzeko deialdia luzatu die langileei Euskal gehiengo sindikalak. Horregatik, elkarretaratzeak deitu dituzte ostiralerako, eguerdiko 11:30etan Hego Euskal Herriko lau hiriburuetan.
Algorta eta Itzubaltzeta / Romoko elkarretaratzeak iruditan
Uribe Kostako hainbat herrietan ere elkarretaratzeak egin dituzte arratsaldez Goreneko 61eko aretoak igande gauean hartutako erabakia salatzeko. Besteak beste, Algortako Telletxen plazan 400 herritar baino gehiago batu dira —adierazpena (mp3) irakurri dute ondoren—; Erandioko metro geltoki ondoan 200 bat herritar; eta Areetako Xake plazan ehun gizon-emakume inguru. Auzitegiak Bilduk maiatzaren 22ko udal eta foru hauteskundeetarako aurkeztutako 254 zerrendak, hau da, guztiak baliogabetu egin zituen. Koalizioak gaur gauerdira arte dauka helegitea aurkezteko, eta Konstituzionalak ostegun gauerdirako hartuko du erabakia, kanpaina ostiralean hasiko baita. Epeak epe, ez dira gaurkoak aste honetako mobilizazio bakarrak izango. Gaurko bertan nazio manifestazioa deitu dute ostegunerako Bilbon Eusko Alkartasunak eta Alternatibak. Protesta arratsaldeko zortziak aldera abiatuko da Jesusen Bihotzetik Moyua plazaraino eta Auzitegi Konstituzionalaren erabakiaren zain egongo dira bertan. Argazkian, Algortako elkarretaratzea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun