Antzina, Erandioko auzo ezberdinetako baserritarrak apirilaren hasieran aukeratutako egun eta toki batean batzen ziren Kanpomartxo izeneko festa egiteko. Egun horretan, musika doinuz eta dantzaz beteriko jai egunaz gozatzen zuten. Finean, erandioztar guztien arteko harremanak sendotzeko balio zuen ospakizunak. Bada, hainbat hamarkadatan galduta egon ostean, orain dela 21 urte berreskuratu zuen baserri giroko euskal jaia Berbots Erandion Euskaraz elkarteak. Ordutik hona, udalerriko txoko ezberdinak txandakatuz egin dute urtetik urtera.
Egitaraua:
• 12:00etan, herriko dantza taldeak.
• 13:15ean, Mendibaiarte abesbatza.
• 13:30ean, bertsolariak: Miren Amuriza eta Arkaitz Estiballes.
• 14:30ean, herri bazkaria (nork berea eginda).
• 17:00etan, betiko kantuak Kepa Arrizabalaga eta Roberto Etxebarriarekin, mahaiaren inguruan bazkalosteko goxoa egiteko. Bitartean, umeentzako antzerkia (Sointek).
• 18:00etan, erromeria Arrabots taldearekin, beraz, denok dantzatzera!
Egun osoan zehar, "musika, umeentzako puzgarriak, arku tiroa, jokoak, taloa eta batez ere, guztion animo ederra" izango dela jakinarazi dute antolatzaileek.
2010eko Kanpomartxo iruditan
Doako autobusak egongo dira Kanpomartxora joateko
2011ko mai. 4a, 14:02
Igande honetan, martxoak 8, Asuan ospatuko da aurtengo Kanpomartxo. Bertara joateko, doako autobusak egongo direla jakinarazi du Berbots Erandion Euskaraz elkarteak. Gauzak horrela, 11:00etan hasita, Altzagako Santi Brouard plazatik abiatuko da garraioetako bat, ordu erdian behin. Astrabuduako Iturribengoa zeharkaletik irtengo dena ere maiztasun berbera izango du, 11:15etik aurrera. Azken autobus horrek Erandio Landako elizan ere hartuko ditu Asuarako bidaiariak. Kanpomartxori dagokionez, eguerditik aurrera, dantzak, bertsolariak, antzerkia, jolasak... edukiko dituzte, egunean zehar, bertan batzen direnek. Besteak beste, Trabudu, Goi Alde eta Uztargi dantza taldeak eta Algortako Bertsolari Eskola (ALBE) dituzte laguntzaile Berbotsekoek. Argazkian, iaz Lutxanan ospatu zuten Kanpomartxo jaia.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun