Aitor Artetxe hiru urteko espetxe zigorra bete ostean kanporatuko dute Frantziatik
Aitor Artetxe Rodriguez euskal preso politikoari hiru urteko espetxe zigorra ezarri dio Parisko Auzitegiak, EFE albiste agentziak adierazi duenez. Iturri berberen arabera, behin kartzelaldia beteta, algortarra Frantziatik kanporatzea agindu du Jacqueline Rebeyrotte magistratuak. Mutila 2008ko abenduaren 8an atxilotu zuen Frantziako Poliziak, Gerben, Bagneres de Bigorre ondoan (Pirineo Garaiak), ETAko kidea zelakoan. Beste bi euskal herritar atxilotu zituzten berarekin batera. Fiskalak martxoaren 31n egindako epaiketan adierazi zuenez, "Artetxek ia ez zuen Frantzian ekiteko denborarik izan, muga zeharkatu zuenetik atzeman zuten arte igarotako bizpahiru orduetan". Egun, Villepinteko espetxean preso daukate, Algortatik 950 bat kilometrotara, kotxez. Argazkian, Aitor Artetxeren irudia auzokide batek helduta.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun