Programaren inguruan, "herritarren protagonismoa benetan sortaraztea" koalizioaren helburu nagusienetariko bat da. Horren ondoan porlanaren "inbasioarekin" amaitzea, gazteentzako lokal autogestionatua eta euskarari eman beharreko bultzada nabarmendu zituzten. Udalaren gestioari aurre egiteko lan talde zabala osatu dute eta funtzionamentu iraunkorra edukiko du horrek, herrigintzako dinamikari seriotasuna eta sakontasuna emanez. Gaztetasuna eta esperientzia zerrenda osoan tartekatzen dira. Azaldu zutenez, kaleko kanpaina oparoa burutuko dute eta "oso emaitza onak jasotzeko aukera" sumatzen dute. Ekitaldia amaitu bezain pronto Bilboko Areatzara joan ziren bertan bildurik zeudenekin bat egiteko.
Bilboko mobilizazioari buruz, Sopela.net agerkariak zabaldutako bideoa:
Espainiako Auzitegi Konstituzionalean eztabaidan zirela, ostegunean aurkeztu zituen Sopelako hautagaiak Bildu koalizioak. Sopela.net agerkari digitalak azaldu duenez, ekitaldi xumea eta urduriz beterikoa izan zen. "Han bildu ziren auzokide guztiek oso presente zeukaten une horretan bertan Madrilgo hamaika pertsonek haien eskubide zibil eta politikoen inguruan erabaki potoloa hartzen ari zirela", gaineratu dutenez. Ekitaldian hautagai ezberdinek hitza hartu zuten eta hautagaitza zein programaren ardatza nagusienak aurkeztu zituzten. Bilduk Sopelan aurkezten duen hautagai zerrendan, Saioa Villanueva dago alkate izateko eta, beraren atzetik, lehenengo hamar postuak osatzen Alain Goldaraz, Leire Pinedo, Betitxe Saitua, Juan Guillermo Garcia, Sonia Huidobro, Fernando Sanchez, Ignacio Arenas, Maria Jesus Mendiguren eta Juan Maria Sanchez. Argazkia: © Sopela.net.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun