Horretaz gain, merkatari elkarteekin batera, "doako eta komisiorik gabeko kreditu txartela" indarrean jarri nahi du Getxoko PPk. "Horren bitartez, beherapenak izango lituzkete erosleek", adierazi zuen Arruek. Bestalde, zarama ontzien lurpetzea bultzatu nahi dute. Aparkalekuei dagokienez, bi jarri nahi ditu Areetan Getxoko PPk: 112 ibilgailuentzako bat Eskoletako plazan, lur arrasetik behera eta automatizatua. Eta bestea, Kale Nagusiaren azpian. Azken horrek 91 toki edukiko lituzke eta txandakakoa izango litzateke, erosketak eginez gero dohainik aparkatzeko aukera emanez.
Ikusi PPk zabaldutako bideoa, ekitaldiaren inguruan:
Marisa Arrue Getxoko PPko hautagaiak bere kezka agertu zuen atzo "gero eta gehiago" direlako ixten ari diren saltokiak. Bere ustez, "txikizkako merkataritza da udalerrian enplegua sortzeko motorra". Hori dela eta, tokiko merkatariei zarama bilketa eta estolderia tasak %50 jaistea proposatu dute popularrek. Hasi berriei, berriz, lehenengo bi urtetan horiek ez kobratzea eskatu dute; irekitze tasa ezabatu eta "opor fiskalak" ematearekin batera. Baina, Arrueren ustez, aparkaleku eskasia da merkataritza sektorearen arazo larrienetako bat: "aparkatu, erosi eta joateko", 1.189 aparkatzeko toki jarri nahi ditu PPko alkategaiak. Beste hainbat proposamenen artean, Getxo Dendak izeneko merkataritza gune irekia eratu nahi dute popularrek, "udalerria erosle eta negozio berrien sortzaileen erreferentea bilakatzeko asmoz". Argazkian, besteak beste, Esther Martinez Bizkaiko ahaldun nagusi izateko PPko hautagaia izan zuen lagun atzo Arruek, Areetako Eskoletako plazan egindako hauteskunde jaian / © Getxoko PP.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun