Euzkadi Buru Batzarreko presidenteak azpimarratu zuenez, “kanpainan gaude. Bi aste baino gutxiago aurrez-aurre gure programak eta proiektuak aurkezteko. Baina hemen, Getxon, kanpaina aurreko gertakizunak ere aipatu behar ditugu. PSOEk eta PPk kanpaina hau baldintzatu nahi izan dute. PSOE eta PP azken momenturaino egon dira Euskadiko mapa politiko eta instituzionala baldintzatu nahian.
Eta azkenean, azken minutuan, Auzitegi Konstituzionalak esan du esan duena”.
Iñigo Urkulluren adierazpenak Areetako mitinean (© EAJ):
Iñigo Urkullu EAJren Euzkadi Buru Batzarreko presidentek larunbatean azaldu zuenez, “onena emateko garaia da. Getxo, Bizkaia eta Euskadiko interesak defendatzeko garaia. Herri hau ezin dugu PSE-PP itunaren eskuetan utzi. Orain badakigu honek zer suposatzen duen”. Areetako Xake plazan egindako ekitaldi politikoan, jelkideen buruaz gain, Jose Luis Bilbao berriro Bizkaiko ahaldun nagusi izateko hautagaia izan zuten lagun Imanol Landa alkategaiak eta Getxoko EAJren gainerako hautagaiak. “Hemen Getxon, badakigu PSE-PP itun horretan zer dagoen idatzita. Atzealdean dago, baina argi eta garbi jartzen du. Lopezek eta Basagoitik sinatu zutenean herri baten izena jarri zuten. Eta herri horren izena Getxo da. Hori da PPren helburua, PSEren botoekin batera Getxo gobernatzea. Hori da PPren helburua. Eta adi, hemen Getxon PSEri botoa eman nahi diotenek. Hemen Getxon PSEri botoa ematea PPri ematea da. Zenbat urte gauza bera entzuten baina, horrenbeste urteren bueltan, ze proiektu dago PP eta PSEren arteko asmo horren atzean?”, adierazi zuen Urkulluk. Argazkian, Imanol Landa alkategaia buruzagi jelkideez inguratuta, Areetako mitinean / © EAJ.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun