Lokala irekita mantenduko da hauteskunde kanpaina osoan eta, bozei buruzko informazioa ematearekin batera, Bilduk Sopelarako duen programa ezagutaraziko dute, "kontuan hartuz sopeloztarron partaidetza dela Bilduk duen helburu nagusienetariko bat". Hain zuzen ere, koalizioko hautagaiek "Sopela guztion partaidetzarekin eginda, guztion oniritziarekin garatua eta guztion elkarlanarekin gauzatua izan behar dela" aldarrikatu zuten larunbateko ekitaldian. Horretarako, Partaidetzarako zinegotzigoa sortzea eta Barne Arautegia aldatzea proposatzen dut, sopeloztar guztion partaidetza zabala eta zuzena bermatzeko udal batzarrean eta batzordeetan; eztabaidarako gune zabalak sortzeko eta arlokako batzordeak esparru guztietan garatzeko. Partaidetza horren barruan, "ezinbesteko garrantzia" eman diote "udal aurrekontuen ebazpenari eta eztabaida irekia eta parte-hartzailea izateari".
Sopelako Bilduk aurkeztutako bideoa (cc-by-sa Bildu Sopela):
Bildu bozkatzeko deia egin dute ehun bat sopeloztarrek
2011ko mai. 10a, 00:25
Bildu koalizioak atxikimenduak jaso ditu Sopelan. Lehenengo bideo bat aurkeztu dute eta bertan ehun bat auzokide agertzen dira plataforma honi bozkatzeko deia eginez, Sopela.net agerkari digitalak zabaldu duenez. "Pertsona ezagun hauen atxikimenduaren aurkezpena baino ez da. Hurrengo egunetan beste bideo bat aurkeztuko dute eta bertan norbanakoaren esaldiak eta hitzak erabiliz sopeloztar guztiei Bildu bozkatzeko mezua bidaliko diete", azaldu dutenez. Bideo hori sarean mugitzeaz gain, herria etxez etxe bidaltzeko saiakera ere egingo dute. Bitartean, larunbatean, Sopelako Bilduk hauteskunde bulegoa zabaldu zuen Landa Doktorea eta Eleizalde kaleen arteko kantoian, Gambrinus tabernaren ondoan. Argazkian, Bildu koalizioaren inguruko informazioa jarri zuten larunbatean Larrabasterrako Urgitxieta plazan / © Sopela.net.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun