Bat-bateko Bizkaiko Eskolarteko Bertsolari Txapelketako egitaraua
• Maiatzak 24, asteartea, Bermeoko Eleizalde ikastolan, 15etan, 14 urtera artekoen kanporaketa.
• Maiatzak 25, asteazkena, Markinako Kultura aretoan, 15etan, 15 eta 16 urtekoen kanporaketa.
• Maiatzak 26, osteguna, Ondarroako Zubi Zahar ikastolan, 15etan, 17 eta 18 urtekoen kanporaketa.
• Ekainak 3, ostirala, Bilboko Indautxuko El Carmen aretoan, 11etan, txapelketako finala.
Bizkaiko Eskolarteko Bertsolari Txapelketa hartuko du bihar Algortako ikastolak
Bihar, asteazkenarekin, Bizkaiko Eskolarteko Bertsolari Txapelketako idatzizko kanporaketa egingo dute Algortako San Nikolas ikastolan, arratsaldeko 3etatik aurrera, Bertsoa.com-ek jakinarazi duenez. Hirugarren urtea da Uribe Kostan txapelketa horretako saio bat Algortan, Uribe Kostan, burutzen dutela. Ikastolen elkarteak antolatutako sariketako XXVIII. edizioa, baina, hilaren 2an abiatu zen, handik aurrera, Ondarroan, Durangon, Gernika-Lumon, Trapagaranen, Zornotzan eta Bilbon egin dituzte idatzizko kanporaketak jada. Gaur, ordea, Mungiako Larramendi ikastolaren txanda da eta biharko Algortako saioaren ostean, idatzizko finala burutuko dute ostiralean, Gernikako Seber Altube ikastolan. Bertan, 15:00etan hasiko da lehia, sariak 17:30ean banatuko dituztela kultur etxean. Bat-bateko txapelketa, berriz, hilaren 24an abiatu eta ekainaren 3an amaituko da. Argazkian, Pello Arondok parte hartu zuen iazko bat-bateko finalean, Imanol Uriarekin batera.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun