Gazte bat atxilotu dute Sopelan metroko zaindari bat erasotu duelakoan

Atzo arratsaldean, Ertzaintzak 19 urteko mutil bat atxilotu zuen Sopelan, Metro Bilbao garraio enpresako zaindari bati eraso egin ziolakoan, Eusko Jaurlaritzako Herrizaingo Sailak zabaldu duenez. Arratsaldeko bostak aldera, gazte batek txiza egin omen zuen Larrabasterrako metro geltokiko anden batean. Jarraian, tokiko zaindaria mutilarengana hurbildu zen egindako hori gaitzesteko eta eztabaidan hasi ziren, beti ere bertsio ofizialaren arabera. Jagoleak gaztea identifikatu nahi izan zuen momentuan, horrek ezezkoa esan eta hura kolpatu zuen tira-biran eroritako zaindariaren borrarekin, polizia iturriek diotenez. Azkenean, erasotuak gaztea atxiki eta Ertzaintza deitu zuen. Patruila bat tokira bertaratu eta ustezko erasotzailea atxilo eraman zuen.