Ohiko lez, Andra Mari Auzo Elkarteak antolatu du larunbateko herri bazkaria, "Lur barik, arnasarik ez" lelopean. Lurralde Zati Planaren (LZP) aurkako aldarria izan nahi du ekitaldiak. Horrenbestez, 7 eurotan egongo dira salgai txartelak, ondoko tokietan: Lorea taberna, Larra, Taberna Berri, Alberto dastalekua, Amnistia eta UK taberna.
Egitaraua:
Maiatzak 12, osteguna
17:30 Pregoia eta txupinazoa Malakaten (pregoia Geroa ikastolaren eskutik).
- Txokolatada.
- Kalejira.
- Tor magoa.
Maiatzak 13, ostirala
18:00 Mus Txapelketa txosna gunean (txosnetatik pasa apuntatzeko)
18:00 Haur erromeria Malakaten.
20:00 Zesta punta partida.
21:30 Kontzertuak txosna gunean: Aske, Solte eta Gozategi.
Maiatzak 14, larunbata
10:00 Puzgarriak Malakaten.
15:00 Herri bazkaria.
18:00 Kantak eta helduentzako jolasak.
19:30 Herritik poteoa Skandalue elektrotxarangarekin.
21:00 Herrien jaialdia Itxas Argia polikiroldegian.
21:30 Kontzertuak txosna gunean: Oihartzuna, Siroka eta Obrint Pass.
Maiatzak 15, igandea (San Isidro eguna)
10:30 Azoka.
11:00 Herri kirolak.
11:00 Umeentzako jolasak.
11:00 Isidro Deunaren esku pilota XXI. Txapelketaren finala.
11:30 Tiragoma eta tronpa erakusketa.
12:00 San Isidro eguneko meza, aurreskua eta luncha, Itsas Argia eta Kooperatibaren eskutik.
17:00 Idi probak.
17:00 Erromeria Luhartz taldearekin, Bizkaiko Dantzarien Bilkurak antolatuta.
Gaueko autobusa
Aurten, lehenengo aldiz, jai batzordekoek gaueko autobus bat antolatu dute gaueko 12etatik goizeko 5ak arte, 40 minuturo. Ibilbidea honakoa izango da: txosnen atzealdea; Bidezabal, metro ondoan; Txiki Otaegi plaza, Telepizza parean; Mesedeetako eliza, Areetan; Areetako Kale Nagusia; Fadura; eta Ormaza. Norbaitek Azkorriko estrata batetara joan behar izanez gero, autobus gidariari esan diezaioke.
Ostegunarekin hasi eta igandera arte luzatuko dira aurten Getxoko San Isidro jaiak. Horrenbestez, etzi, 17:30ean Geroa ikastolakoek pregoia irakurri eta txupina botako dute Malakaten. Ondoren kalejira, txokolatada eta magia ikuskizuna egongo dira, azken hori Tor magoaren eskutik. Biharamunean, ostiralarekin, ohiko mus txapelketa, txikientzako erromeria eta zesta punta partida izango dira, besteak beste. Bestalde, gauerako, kontzertu sorta ederra antolatu dute. Aske, Solte eta Gozategi arituko dira txosna gunean, 21:00etatik aurrera. Larunbata egun handia izango da eta, ohi bezala, herri bazkaria egingo dute. Ondoren, herritik poteoa egin eta musika emanaldiari hasiera emango diote, Oihartzuna, Siroka eta Obrint Pass taldeen eskutik. Egun horretan zehar, baserritarrez jantzita joateko deia luzatu du jai batzordeak. Ospakizunek irauten duten bitartean, gaueko 12etatik goizeko 5ak arte, 40 minuturo, autobusa egongo dela jakinarazi dute antolatzaileek. Argazkian, aurreskularia bere txapela berreskuratzen orain hiru urte / © Urtzi Altube.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun