Enpresaren arabera, erabaki gogor horren arrazoiak antolatze, ekoizte eta ekonomia motakoak dira. Krisialdi orokorrari sektorekoa gehitu zaiola dio Sun Chemicalek, paperezko argitalpenen murrizketa, publizitate inbertsioa zorrozki moteldu izana, enbalatze eta ontziratze sektorearen hondatzea eta lehengaien igoera elkarrekin batu direla.
Gaur Asuako langileen ordezkariek, UGT sindikatukoek, asanblada egingo dute DIC nazioarteko enpresa japoniarraren eskumendeko Sun Chemical New Jersey-ko (AEB) enpresak hartutako erabakia eztabaidatzeko.
Iaz beste Enplegua Erregulatzeko Espedientea abiatu zuen enpresak. Orduan, 224 langileengan izan zuen eragina, haietako 45 Asuakoak. Kaltetutakoak 68 egunez kaleratu zituen, langabezi saria eta kopuru osagarri bat kobratu zituztela.
Sun Chemical enpresa kimiko estatubatuarrak Erandioko Asua auzoan duen lantegiko ateak ixteko asmoa duela jakinarazi du. Deia.com-ek zabaldu duenaren arabera, arte grafikoentzat tintak ekoizten dituen enpresak Asuan lan egiten duten 50 bat beharginetatik 36 kaleratu nahi ditu eta administrazio eta arlo komertzialeko beste batzuei Internet bidez edo Madrilen lan egitea eskainiko die. Izan ere, enpresak Enplegua Erregulatzeko Espediente berri bat abiatzeko izapideak martxan jarri ditu. Bertan, Asuan ez ezik Herrialde Katalanetan duen Badalonako zentroa ere ixtea aurreikusten du enpresak, guztira 59 lanpostu galduz. Bitartean, Madrilgo Alcala de Henares herriko lantegia behargin gutxiagoz martxan mantenduko luke Sun Chemicalek. Argazkian, Erandioko Axpe auzoan zegoen Excainox SL galdara-lantegiko 12 beharginek hainbat mobilizazio egin zituzten enpresa ez ixteko. Azkenean, epaileek enpresariri kalte-ordainik handienak ordaintzeko agintzea erdietsi zuten / © CCOO.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun