Latirili-ren "Plum & Txalapunk", Turukutupa-ren "Reziclonk", Teatro Gorakada-ren "Jim en la isla del tesoro", Kolectivo Monstrenko-ren "La pared", Anita Maravillas-en "Blue bird", Panta Rhei-ren "Monster Show", Ganso y Cia-ren "Mediopelo", Kukai Dantza Konpainiaren "Karrikan", Deabru Beltzak taldearen "The Wolves" eta Trapu Zaharrak konpainiaren "Vuelta & vuelta" izango dira lehen aldiz ikusi ahal izango diren lanak. Horiez gain, Simulacro Teatro-ren "Paren el mundo" eta Mama Crea-ren "Parcela 85" ere ikusgai izango dira. Euskal Herriko taldeez gain, La Calabaza Teatro-ren "Banco para dos" (Andaluzia), Mumusic Circus-en "Roda, mon" (Katalunia), Proyecto D_Ruses-en "Citeaux" (Aragoi), Teatro Percutor-en "Bajo el andamio" (Madril), Guirigai Teatro-ren "Camino del paraiso" (Extremadura) eta Teatro Inquieto-ren "Cuatro_tres_dos" (Valentzia) lanek ere estreinaldia izango dute Leioako Umore Azokan. Beste herrialde batzuetako taldeen artean, Valeria Guglietti Cia de Sombras Chinas argentinarraren "Mano a Mano" izango da lehenengo aldiz Leioan. Halaber, azokak Australia, Austria, Txile, Argentina, Italia, Frantzia eta beste herrialde batzuetako partaidetza izango du.
Beste hainbat ekitaldi
Antzezlanez gain, Umore Azokak beste ekitaldi batzuk ere baditu aipagarri, hala nola, "La Codorniz 70 años. Humor, sociedad y censura" erakusketa eta maiatzaren 14an izango den argazki maratoia batetik, eta Artekale Euskadiko Antzerki Sarearen topaketak zein sarearen bilera bestetik. Bukatzeko, iazko Umore Azokan irabazi zuten konpainiek saria jasoko dute maiatzaren 13an burutuko den ekitaldian.
Bihartik aurrera 50 ikuskizun eta 150 emanaldi eskainiko ditu Leioako Umore Azokak
Leioako Umore eta Kaleko Artisten Azokaren hamabigarren edizioa hasiko da bihar, eta guztira 46 talderen 50 ikuskizun eta 150 emanaldi inguru izango dira. Maiatzaren 15era bitartean, Euskal Herriko taldeen, atzerriko izen handiko konpainien eta artista gazteen partaidetza izango du jaialdiak. Euskal Herriko taldeei dagokionez, 12 izango dira Leioako Umore Azokan, eta hamarrek lanen estreinaldia egiteko aukeratu dute Leioa. Beste batek, Markeliñek, "Anomalia magnetica" lanaren "showcase" bat egingo du. Gainera, azken horretaz gain, beste hiru obren sorkuntzan ekoizle lanak ere bete ditu Umore Azokak: Deabru Beltzak eta Kukai Dantza Konpainia taldeen lan berrietan, eta Gaztela Leongo Destroy Producciones / Alicia Soto / Hojarasca Danza-ren "La Petite Voiture" lanean. Argazkian, iaz plazaratutako ikuskizunetako bat / © Umore Azoka.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun