Baina Getxo udalerrirako proposamenak ez ezik Bizkaiko Batzar Nagusietarako ildoak ere azaldu zituen Joseba Gezuraga diputatu nagusia izateko hautagaia. BIzkaitik, Barrika eta inguruko Biotopoa babestuko duen lurralde antolaketa ekologikoa proposatu zuen, baita aurrekontuen %2a hizkuntz normalizaziora bideratzea ere. Azpiegituren kasuan, eraiki aurretik "lehenengo euren beharra aztertu, dagokien erakunde eta eragileekin kontatuz, herritarrei hitza emanez". Azkenik erreforma fiskal justua eta progresista defendatu zuen.
"Bestelako eredua"
Amaia Agirresarobek, ordea, BIldu hauteskundeetan egotea nahi ez zutenei beren jarrera aurpegiratu zien, erakundeak banatzeko bestelako asmorik ez dutela esanez. Bildu ilegalizatuta egonez gero Getxo PPk eramango lukeen garaikurra izango litzatekeela ere esan zuen Alternatibako kideak. Horren aurrean, Bilduk sostengatzen duen "bestelako eredu ekonomikoa eta sozialak ez du zerikusirik haiek ordezkatzen dutenarekin, eraiki nahi dugun herria oso bestelakoa da. Proposamen oso desberdinak dira gureak: feministak, demokrazia zuzenaren aldekoak, demokrazioa parte-hartzailea bilatzen dutenak. Haiek, bitartean, ingurumenaren suntsipena babesten dute, emakumeak baztertzen dituzte, kudeaketa gardenik ez dute nahi", esan zuen. Eredu hori babesteko datorren larunbatean Bilduk Barakaldoko BECen emango duen mitinean parte hartzera eta hauteskunde egunean Bildu bozkatzera deitu zuen.
Bilduren mitina argazkitan
Euri azpian eta ehunaka auzokideen aurrean eman zuen mitina (mp3) atzo Getxoko Bildu koalizioak Algortan. Maitane Nerekan Umaran alkategaiak argi utzi zuen Tellagorri plazan zein izango den soberanista, independentista eta ezkertiarren koalizioak Getxo udalerrian izango duen lehentasuna: "auzokideon benetako parte hartzea bermatzea. Horretarako herri kontsultak eta getxoztarrek bere herrirako nahi dutena erabakitzen ahalbidetuko dituzten beste sistema motak sustatuko ditugu". Algortarraren ustez, "auzo-elkarteak, Getxoko gizon eta emakumeak nekatuta baikaude gure iritzia interesatzen zaiela entzun eta gero gure proposamenak kontuan hartzen ez dituztela ikusteaz". Horretaz gain, hiri-zoruan eraikitako alokairu sozialaren parke publikoa; jai eta kultur herrikoiak; Getxoaldea babestea; Bolue, Kandelu eta Gobela erreken inguruan gehiago eraikitzea debekatzea; edota bertako merkataritza eta ostalaritza sustatzea, merkatariak eta ostalariei kasu eginez izan ziren zabaldutako proposamenetariko batzuk.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun