Mikel Basabe Aralarreko eusko legebiltzarkideak adierazi duenez, “gure esku dagoen bitartean, PSE-PP bikoteak ez du alternatibarik izango agintean egoteko”. Algortan egon da goizean Basabe, Nahikari Ayo Getxoko zerrendaburuarekin eta Fernando Hevia tokiko hautagaiarekin. Iosu Murgia Bizkaiko ahaldun nagusi izateko hautagaia eta Jon Abril Aralarreko koordinatzaile ordea izan dituzte lagun. Bere aldetik, Ayok, Getxoko Udalaren gazte politika gogor kritikatu du: “14 urtetik gorako gazteentzat ez dago ezer, ez dago inolako aukerarik. Gainera, aisialdi taldeak ito dituzte eta autogestioa zein gaztetxeak ukatu", adierazi duenez. Getxoko Aralarren ustez, "autogestioa izango da gazteriari bidea irekitzeko modua”. Tokiko alkategaiak euskara era aipatu du: “Getxon euskaraz bizi nahi dugu eta oraindik asko dago egiteko; adibidez, Fadura kiroldegian euskararen presentziarik ez dago”, salatu duenez. Argazkian, Aralarreko kideak gaur Algortan / © Aralar.
Udalak "ezkerreko politikaz" beteko dituztela iragarri du Basabek: “krisi egoera honetan ezkerreko politikak nahi dituzte hiritarrek eta ezkerreko politikak eramango ditu Aralarrek udal guztietara, baita Getxoko udaletxera ere”, esan du eusko legebiltzarkideak. "Ezkerretik eta abertzaletasunetik" jokatuko dutela azpimarratu du: "Abertzaletasunaz aurre egingo diogu herri honetan PPk eta PSE-EEk osatu duten fronteari eta ezkerretik EAJk babestu dituen politika eskuindarrak”.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun