Hori da hain zuzen ere Israeli boikot nazioarteko ekimenak egiten duen aldarrikapenetako bat, errefuxiatuak euren etxeetara etortzeko eskubidea gauzatzea. Oro har, Israelek palestinarren eskubideak errespetatzen ez dituen bitartean Estatu sionistarekin erlazio ekonomikoak, kirol mundukoak, kulturalak… ez onartzea da boikotaren egitasmoa. Euskal Herrian eragile ugarik bat egiten dugu boikotarekin eta ez dugu Estatu sionistaren adierazpenik gure artean onartuko.
Palestinar herriak bizi behar du, eta bizitzeko askatasuna behar du, gure Euskal Herriak askatasuna behar duen modu berean. Horregatik, gaur maiatzak 15, Israeldarrek beren independentzia eguna ospatzen duten bitartean eta palestinarrek hondamendiaren eguna gogoratzen duten bitartean, Uribe Kostako gazte independentistok gure elkartasun osoa adierazi nahi diogu palestinar herriari, borrokan jarrai dezan bere askatasuna lortu arte. Elkartasuna eta internazionalismoa oinarri, mundu berri bat eraikitzeko bidean tinko jarraituko dugula adierazi eta munduan zehar helburu horrekin borrokan dabiltzan guztiei gure animoak eta gure besarkadarik beroena bidali nahi diegu.
Gora Palestina askea!
Gora Euskal Herria askatuta!
Gora herrien arteko elkartasuna!
Uribe Kostako Gazte Independentistak
1948ko maiatzaren 15ean Israelgo Estatua sortu zenean, palestinarrentzako Nakba (Hondamendia) izan zen. Bazterkerian oinarritzen den sionismoa izan zen sortu berria zen Israelgo Estatuaren ezaugarri nagusia. Soilik judutarrentzat izango zen Estatu bat sortu nahi zuten, beste guztiei oinarrizko eskubideak ukatuz. Horren ondorioz, milaka palestinar errefuxiatu bilakatu zen, euren etxeak utzi ondoren Gaza eta Zisjordanian ez ezik inguruko herrialdeetan ere. Egun ia lau milioi dira errefuxiatu palestinarrak, 1948an euren etxeak utzi behar izan zituztenen oinordekoak. Errefuxiatuen afera konpontzea Palestinak bizi duen gatazka gainditzeko ezinbestekoa da. Argazkian, iaz Nakbaren harira Algortan egindako elkarretaratzea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun