Getxo udalerriko EAJk "Deia" egunkarian zabaldu duenez, etxeetan banatutako hauteskunde propagandan hainbat huts-egite izan da eta, zenbait kasutan, bidalitako boto-txartelak ez dira Getxo eta Busturia-Uribeko barrutietakoak. Gauzak horrela, eta hauteskunde arauen arabera, Getxo udalerrian erroldatutako jeltzaleek ez dagozkien hautes-zerrendak bozkatuz gero, EAJ babestu beharrean baliogabeko botoa emango lukete. Hori dela eta, zaleei boto-paperak honako hautagaiak dituztela egiaztatzea eskatu diete: udal zerrendan, Imanol Landa Jauregi izan behar da alkategaia eta foru txartelak, ordea, Unai Rementeria Maiz beharko luke zerrendaburu. Getxoko EAJk azaldu duenez, huts-egitea "boto-txartelak gutun-azaletan sartzean eta Getxoko postontzietara bidaltzean izandako akats mekanikoren batengatik" sortu da. Argazkian, Imanol Landa.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun