Iosu Murgiak udal guztien kontratazioetan “klausula sozialak” ezartzeko beharra azpimarratu zuen. izan ere,klausula sozial horiek "krisiari ezkerretik aurre egiteko bide bat" direla argudiatu zuen, "langabezian denbora luzea daramaten aldeko klausulak, herriko langabetuen aldeko klausulak, dira", gaineratu zuenez.
Fiskalitatea aldatzea
Murgiaren esanetan krisiari aurre egiteko behar beharrezkoa da ere "erakunde desberdinen arteko elkarlana, azken urte hauetan ikusi ditugun erakundeen arteko liskarrak tamalgarriak dira, EAJk eta PSE-EEk erakundeak erabili dituzte euren liskarretarako eta ez hiritarren zerbitzurako".
Aralarren diputatugaiak alderdi abertzalearen oinarrizko proposamena ekarri zuen gogora, "esan genuen, esaten dugu, eta esango dugu: fiskalitatea aldatu behar dugu, gehien dutenek gehiago ordaindu behar dute eta erakundeek enplegu sortzaileak izan behar dira, energia berriztatzaileen sustapenean, gizarte zerbitzuen garapenean, hor sortu daiteke enplegua, baina lan koherentea behar da horretarako, diru sarrerak bermatu behar dira, eta horretarako fiskalitatea aldatzea ezinbestekoa da”.
Kostaldeko txikizioari aurre egingo dio Sopelako Aralarrek
2011ko mai. 15a, 20:45
Edorta Roman Aralarreko Sopelarako alkategaiak “herrian enplegua sortzearen beharra" azpimarratu zuen atzo Udaletxe plazan egindako hauteskunde ekitaldian. Halere, bere ustez, "enplegua ezin da sortu era basatian eraikitzen eta gure kostaldea txikitzen Sopelan egin nahi duten bezala". Bide horri ere ekin zion Fernando Hevia Uribe-Busturia barrutiko Batzar Nagusietarako hautagaiak. Berak salatu zuenez, "EAJk eta PSE-EEk egiten dutena, gauza bat esan eta beste bat" egitea da eta horren aurrean "Uribe Kostan biotopoa behar beharrezkoa" dela iritzi zion. Horregatik Aralarrentzako botoa eskatu zuen, "alderdi horien hitzak ez baitatoz bat beraien jokabideekin”. Azkenik, Iosu Murgia diputatu nagusia izateko hautagaiak klausula sozialak eskatu zituen udal eta foru kontratazio guztietan. Argazkian, Murgia, Hevia eta Roman, ezkerretik eskumara / © Aralar.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun