"Makrokatzelak" izeneko erakusketa dela medio, espetxe sistemari buruzko jardunaldi kritikoak egiteari ekin diote gaur Leioako Udondo gaztetxean. Bihar, asteartea, "Macrocarcel de Zaballa y el negocio de las prisiones" mahai-ingurua egingo dute, Autodefentsa kolektiboaren parte hartzeari esker, arratsaldeko 7etatik aurrera. Etzi, asteazkena, ordu berean, "Espetxe sistemari alternatibak" gaiari buruzko eztabaida burutuko dute Salhaketa kolektiboarekin. Ostiralean, berriz, Alperrikako bizien jabe eta El tierno desavorio y Lupita la ingrata bakarlariak arituko dira, 21:00etatik aurrera. Larunbatean, 15:00etatik aurrera, bazkaria eta presoei idazteko idazlan tailerra egingo dute. 20:30ean, berriz, eskualdeko musika emanaldia egongo da Pabellon 314, Pornosaurio eta Ultima Neurona taldeen eskutik, 3 eurotan. Azkenengo egunean, igandea, Txirlora antzerki taldeak Sanchis eta Misterraren testu batean oinarritutako "Francamente" antzezlana taularatuko du 20:30ean. Jardunaldietan lortutako diru guztia presoei eta euren senideei emango diete. Argazkia: cc-by-nc-sa Break0ut.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun