Normala denez honelako programetan, parte hartzaileek iritzi ematean tesi jakin batzuk defendatzen dituzte, baina azken bolada honetan konturatu naiz, futbolariek ez bezala, iritzi emale profesional hauek ez dutela "esklusibitate klausularik" euren kontratuetan eta egun osoa ematen dutela telebista katez-kate tournean.
Baina, ni bezala, telebistako urrutiko agintea eskuan gai ez bazara saio bera 2 minutuz jarraian ikusteko, eta egunen batean denbora baduzu, ezetz lortu nik bezala, egun berean “tertulisto” bera 4 telebista saiotan ikustea. 4 saio ezberdinetan esateko asmoa izan dut, baina saioak berdinak dira, egungo albistegi gehienak berdinak diren bezala.
Gora ikuspuntu ugaritasuna!
Alberto Hernandez euskara irakasle sopeloztarrak atzo Sopela.net agerkari digitalean argitaratutako artikulua
[© Alberto Hernandez - Sopela.net] Pasa den astean Hit Parade izandako abestiari moldaketa egitea otu zait, Epaitegi Konstituzionalaren epaia dela Madrilgo “tertulistoen” erreakzioa ikusi eta gero. “Tertulistook” zer jan ematen diete politikoei eta politikoek bereak egiten dituzte iritzi emale profesionalek esandakoak, baina kontrakoa ere gertatu ohi da, gero eta politiko gehiago ari baita horrelako lanetan, tertuliano lanetan hain zuzen ere. Show Reality-ak eta programa arrosekin batera, telezaborra deituriko multzoan koka ditzakegu tertulia-eztabaida telesaioak; bai futbol eztabaida saioak, edo beste era batera esanda, Madril vs Bartzelona; bai politika eztabaida saioak. Argazkian, beste telezabor adibide bat: Telecincoren "Mujeres y hombres y viceversa" saioa, iazko 2010eko abuztuaren 18an, platoa ikurrinez apaindu zutenean / © Bai Euskal Herriari.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun