Getxoko Udalak Gizarte Zerbitzuekin kolaboratzen duten 10 elkarteei 211.673 euro zuzendu die aurten, lankidetza-hitzarmen eta diru-laguntzen bidez. Publikoak zein pribatuak diren irabazi asmorik gabeko erakunde horiek honako helburuak dituzte: arazoak konpontzeko gizarte zibilaren parte hartzea bultzatzea, udalerrian dagoen elkarteen sarea sustatzea, gizarteko boluntario-lana erraztea eta Gizarte Zerbitzuen alorreko jardueren garapenera zuzendutako proiektuak diruz laguntzea. Argazkian, duela bi urte Getxoko udalak Gizarte Zerbitzuekin elkarlanean aritzen ziren 7 elkarterekin sinatu zituen lankidetza hitzarmenak.
Aipatu diru-laguntzak horrela banatu ditu Udalak: buru ezintasunak dituztenen aldeko Uribe Kostako elkarteak, 62.500 euro; Uribe Aldeko Gurutze Gorriak, 46.250 euro; Ibar Nagusien Etxeak eta Portu Zaharrean aritzen diren Karitateko Alabak delako mojen elkarteak, 22.500 euro; Apnabi, autismoak jota daudenen eta senideen elkarteak eta Caritasek, 15.000na euro; Getxoko boluntarioen elkarteak, 11.250 euro; Bizkel, bizkar muinaren kaltetuen elkarteak, 5.923 euro; Down gaitzak jota daudenen aldeko Fundazioak, 5.750 euro; eta Urte Alaiak, 5.000 euro.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun