Adierazten duzuen azken botoa harrapatzeko grina eta hori lortzeko edozer egiteko prest zaudetela ikusita- duintasuna galtzea bada ere- zuekin kolaboratuko dugu. Horretarako gure semeak zuon propaganda jaso ahal izango duen helbide zuzena erraztuko dizuegu. Gogora ekarri nahi dizuegu, direnak direla eta gure atsekabean, Xabier 514 egun daramatzala bere etxea zapaldu gabe, 514 egun bere familiarekin afaldu ezinean, 514 egun bere bainugelan ezin txukundu, 514 bere ohean lo egin barik, 514 egun bere jendeaz gozatu gabe.
Xabierrek 514 egun bahituta daraman helbidea honako hau da: CENTRO PENITENCIARIO FONTCALENT, Poligono de la Vallonga s/n, 03110 ALACANT. Arren, eskatzen dizuegu zuon promesak bertara bidaltzea. Honezkero “apolitikoz” ez zaretenez mozorrotzen, inork ez dizue aurpegiratuko “preso politiko” bati bere botoa erregutu izana. Kontzientziak lasai eduki ahal dituzue. Bide batez, zuon propagandarekin batera, saiatu ahal zinatekete zuen elkartasuna adierazten. Jadanik ehunaka gorliztarrek egin dutena, zuek ordezkatu nahi omen duzuela.
Besterik gabe, zorte ona opa dizuegu abiatu zareten bidean, botoetan aberats eta gogoz behartsuak egitekoan. Gure agurra jaso.
Gorlizen, 2011ko maiatzaren 14an.
Izpta: De la Maza-Peña familia.
Oharra: Agian Xabierren botoa jasotzeko berandu izango da, baina inoiz ez da berandu babesa eta elkartasuna eman edo adierazteko.
De la Maza-Peña familia: "Gorlizko Independenteetako jaun-andere preziatuak!"
Zuengana jotzen dugu zuen jarreraren aurrean gure harridura adierazteko, jarrera hau benetan ez dakigu nola hartu, txantxa astun bezala edo ahoz gorako hipokresiatzat. Horrela bakarrik uler daiteke gure etxean, gure semearen izenean, Xabier de la Maza, hurrengo udal hauteskundeetarako zuen taldeko den “Grupo Independiente de Gorliz” propaganda jasotzea. Ez dugu ezkutatuko honen aurrean suminduraz erantzun genuela lehenengoz iraingarritzat hartu genuelako. Hala ere, hausnarketa lasaia egin ondoren Gorlizko Grupo Independientea zoriontzea erabaki dugu. Aspaldidanik, inolako arrakastarik gabe “apolitiko” itxura eman nahi zenuten irudi hori uzteagatik, zoriontzen dizuegu. Azkenean, ispiluaren aurrean jartzea erabakitzeagatik eta zareten bezalakoak agertzeagatik: “politiko profesionalak”. Eta horregatik, hipokresia zuen leitmotiv izatea ulertzen dugu. Bakarrik horrela uler daiteke bidegabekeriaz bere seme baten espetxeratzeagatik larri eta estu dagoen gorliztar familia bati babesa ez ematea, eta aldiz, lotsagabekeria galanta eduki, seme horri botoa eskatzeko. Zorionak! Argazkian, Xabi de la Maza gorliztarra eta Alfonso Etxegarai plentziarra etxeratzea eskatzeko manifestazioa / © Piztu Plentzia!.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun