Getxoko Udalak kaleratutako orria (© Getxoko Udala)
Pasa den martxoan, Getxoko Udalak "Getxo, herri partaidetzan erreferentea" lelopeko orria banatu zuen, etxez-etxe, udalerriko postontzietan. EAJren Udal Gobernuak auzokideen parte-hartzea sustatzeko egin ei duen zenbait ekimen zerrendatzen zuen eta Imanol Landa alkate jeltzaleak egindako lanaz harro azaltzen zen. Orriaren buruan hainbat herritar agertzen ziren, poztasun plantak egiten. Irakurle batek jakinarazi eta UKBERRI.NETek egiaztatu duenez, Getxo udalerriko auzokide parte hartzaile horiek ez dira auzotarrak ezta getxoztarrak ere, publizitate modeloak baizik. Gainera, haietako batzuk errepikatuta agertzen dira eta, aurretik, Alberto Ruiz-Gallardon Madrilgo alkate popularrak Gallardonconmadrid.es bere webgunean erabili zituen "Nos gusta Madrid. Nos gustas tú" (Madril begiko dugu. Zu begiko zaitugu) leloa zabaltzeko. Izan ere, Yuri Arcrus argazkilari daniarrak erretratatu zituen, Danimarkan eta beste hainbat herrialdetan, eta egun argazkiak hainbat irudi bankutan saltzen dira, "El Mundo" edo "Deia" egunkariek otsailean jakinarazi zutenez. Argazkian, muntai originala eta Madrilgo PPrena / © Yuri Arcrus - Madrilgo PP.
Yuri Arcrusen muntaia eta Madrilgo PPk egindakoa (© Yuri Arcrus eta Madrilgo PP)
Getxoko Udalak kaleratutako orria (© Getxoko Udala)
Getxoko Udalak kaleratutako orria (© Getxoko Udala)
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun