Baina 23, 24, 25ean… izango dira kontuak, bihar eta etzi, gaur eta atzo izan diren moduan, beti hortzak eta ukabilak estuturik, paretak suntsitzeko benetako orduan.
Kontua ez da odola gerturik edukitzea, baizik eta mendi tontorrera igota, ikurrina eramatea.
Ohikoen artean, «gora!» zintzo, indartsu eta ausarti bakar batek laburbiltzen ditu gure helburuak, eta horrekin, eta zarata guztien gainetik, irrintzi bakar horrek garamatza, ikurrinaren atzean, mendi tontorrera.
Aitor Artetxe Rodriguez eta Ibon Goieaskoetxea Arronategi Villepinteko espetxean kartzelatutako euskal preso politikoek pasa den asteartean "Gara" egunkarian argitaratutako artikulua
[© Aitor Artetxe Rodriguez eta Ibon Goieaskoetxea Arronategi - Gara.net] Espetxean zarata asko entzuten ditugu. Krisketa hotsak, angustia alarauak eta negarrak ere. Tarteka kantuak heltzen zaizkigu, eder eta indartsuak batzuk, itsas-lamien kantuen moduko beste hainbat, baina adi, dei bakar bati gaude adi: irrintziari. Urruti daude sarraski espetxeak, baina gutako edonork, eguzkira tentuz, itsutu gabe begiratuz, istant batean esango dizu "handik dago Euskal Herr…" eta jarraian, "barruan daramagu Euskal Herria". 22an badago zer egin. Hortzak eta ukabilak estuturik, bekokian barroteen marka geldituko zaigu, hara, eguzki aldera, sabelean amorrua eta bihotzean sua, ziegako leihotik gure herrira begiratuz.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun