Maskara ebakigarria
Maskara handiagoa eskuratzeko sakatu hemen.
Gaur egun, edozein motatako kontzentrazio, aldarrikapen parodia zein herri bazkariak kalean burutzea, informatu, kartelak jarri edota margoketen bidez salatzea bezala, legez kanpoko ekintzak bihurtu dituzte. Gainera, geroz eta jende gehiago, edozein argudio iraultzailetik urrun dagoen pasibotasunean harrapaturik aurkitzen gara, errealitatetik ihes egin nahian etsipenean erortzen garelarik. Eguneroko errepresioaz izuturik, jazarpenen aurrean ezinean jausten gara, borrokatu ordez. Askatasunaz hitz egitea, kaleetan gure existentzia debekatzen duten bitartean eta egunkariak, irrati libreak edota publikazio alternatiboak isilarazten dituztenean, fartsa bat da! Irailean, Bilboko Udalak Espazio publikoaren ordenantza onartu izana, horren adibide garbia da, dagoeneko isunen bidez martxan jarri dutelarik. Argazkia: © Vendetta.Bilbo.
Atera kalera eta pasibotasuna garaitu. Kalea guztiona den heinean, etengabe isilarazitako bozgorailua izan da. Salatu, opatu, oihukatu, dantzatu, gozatu eta gurea dena berreskuratu! Adierazpen askatasuna defenda dezagun! Kolektibo zein pertsona ezberdinei kalea gurea den gune herrikoia bihurtzeko gonbitea luzatzen dizuegu: Bertsolariak, musikariak, malabaristak, dantzariak, antzerkilariak, margolariak, kirolariak etab. Denetarik ekarri, ikurrak, kartelak, pegatinak, musika tresnak eta burutzen zaizuen guztia, izan gaitezen sortzaile eta zuzenak. Eta maiatzaren 21ean [larunbata] Bilbon [Kale Nagusia], arratsaldeko 17:00etan elkar ikusten bagara?
Maskara ebakigarria
Maskara handiagoa eskuratzeko sakatu hemen.
Maskara ebakigarria
Maskara handiagoa eskuratzeko sakatu hemen.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun