Bilduren "aniztasunak izugarrizko indarra" suposatzen duela azpimarratu zuen atzoko ekitaldian Joseba Gezuragak. Lurraldeko ahaldun nagusi izateko hautagaiak gogor kritikatu zuen Iñigo Urkullu EAJren burua eta, hori egiteko, EAEn politika fiskala aurrerakoia egiteko dagoen aukera "ez aprobetxatzea" aurpegiratu zion. "Hemen gaitasuna dugu gure arau fiskalak erabakitzeko, baina Urkulluk egiten duena zera da: Madrilera joan, Zapaterorekin erabaki eta gero erabakia ona ekarri eta hemen mutu geratu", adierazi zuenez. Agirrresarobek, bere aldetik, argi utzi nahi izan zuen Bilduri "indar erradikala" izatea leporatu diotela, "dauden ezberdintasunak eta injustiziak errotik gainditu nahi dituelako". "Arazoen eta gehiegikerien sustraietara jotzea erradikala izatea baldin bada, Bildun erradikalak gara, bai horixe!", esan zuen.
Sopelako Bilduren ekitaldi nagusia (© Sopela.net):
Sopelan "aldaketa posiblea" dela aldarrikatu du Bilduk
2011ko mai. 20a, 19:13
Sopelako Bilduk ekitaldi nagusia egin zuen atzo arratsaldean. Udaletxe ondoko belardian eta 200 auzokideen aurrean, koalizioaren alde bozkatzeko deia egin zuten Joseba Gezuraga eta Amaia Agirresarobe Bizkaiko Batzar Nagusietarako hautagaiek, Sopela.net agerkari digitalak zabaldu duenez. Aipatu bi lagunen txandaren ostean, Sopelako zerrenda kideak oholtzara igo eta Saioa Villanueva alkategaiak hitza hartu zuen. "Aldaketa posiblea" dela azpimarratu zuen berak. Sopelan aldaketarako aukera "pil-pilean" dagoela ziurtatu zuen tokiko hautagaiak: Udala gobernuan ari direnen artean dagoen "urduritasuna aldaketa posiblea denaren seinalerik argiena" dela aipatu zuen Villanuevak. Bestalde, "guztion aktibazioa eta protagonismoa pizteko" deitu zuen alkategai sopeloztarrak. Nelson Mandelaren hitzak egokitu zituen, "guztion hoberena pizteko eta ateratzeko" gonbidapena eginez. Sopelako Bilduk kotxe karabana, triki poteoa eta kalejira egingo ditu gaur arratsaldez, kanpainari amaiera emateko. 19:00etan abiatuko dira zabaldu duten hauteskunde bulegotik. Argazkia: cc-by-sa Bildu.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun