Nire gaurko ardura gainerako 39.999ak zarete, herri honek duen altxorrik handiena. Zuen poltsikotik dirua jarrita politikagintzan jardun, guztia eskaini, sarritan interes pertsonalak helburu kolektiboengatik sakrifikatu, maite duzuena traizionatu baino lehenago itsasontziarekin hondoraino joateko prest egon zareten eta zaudeten omenaldirik gabeko gudari anonimoak, eguneroko inurri langileak. Mila aldiz amestu eta egunero hurbilago dagoen Euskal Herriaren igeltseroak, borroka honen protagonista posible bakarrak.
Domekan lezio berri bat emango diozue herri zahar honi. Eskubide gabeturik, kutsaturik, erdi aroko legendunak bezala mespretxaturik ere boz iraultzailez beteko duzuelako denok dakigun aukera politikoa. Kasu batzuetan, euren urteetako kolaborazio barik gure zapalkuntza ezinezkoa litzatekeen hautagaiei botoa emateko.
Berriz ere frogatuko duzue Europako militantzia politikorik eraginkorrena zaretela.
Zuek barik, ezer ere ez delako sinesgarria.
Fredi Paya bertsolari algortarrak pasa den ostiralean "Berria" egunkarian argitaratutako artikulua
[ © Fredi Paya - Berria.info] Proportzionalki asko gara, gurea bezalako gizarte txiki batean gehiegi, eskubide politiko eta zibilak guztiz zikiraturik ditugun herritarrak, kutsatuak. Hauteskundeetara aurkeztu ezinik, manifestazio eskubiderik gabe eta atzerriko zerrenda beltzen jomugan. Demokrazia, ikertu gabeko 36ko herritarren sarraski, inposatutako Konstituzio, tortura, garbantzuak duintasun truke erosten dituen estatutu, funtzionario soldata eta dirua pertsonen gainetik ezartzen duen sistema ekonomiko honen gainean eraiki zitekeela sinetsarazi gura izan digute. Hain zuzen ere, gaur egun «ondo etorri» pankartak ipintzen dizkiguten gure zergen onuradun horiek guztiek. Euren hitzek betiko higuin bera ematen didate, baina inoiz baino argiago daukat euretariko askorekin batera antolatzea dela borrokan aurrera egiteko bide bakarra. Argazkian, apartheid-aren aurkako protesta bat Getxoko udaletxearen aurrean / © Getxosarea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun