Lasaitasuna, normaltasuna eta aspertzea izan dira nagusi gaurko udal eta foru hauteskundeen lehenengo orduetan. Uribe Kostan eta Erandion mahai guztiak ireki dituzte arazo barik, 9:21ean Espainiako Barne Ministerioak jakinarazi duenez. Eskualdeko 169.835 biztanleetatik 134.989k baino ez du boto eskubiderik. Hamar udalak kudeatzeko aurkezten diren 63 zerrenden artean aukeratu eta 208 hautes-mahaietakoren batean bozkatu ahal izango dute, 150 zinegotziak nortzuk izango diren erabakitzeko. Alderdiren batek emaitzak zalantzan jartzen ez badu, ekainaren 11n eratuko lirateke udalbatza berriak eta egun berean alkateak aukeratuko lituzkete. Norbaitek Hauteskunde Batzordeak botoak aztertzea eskatuko balu hitzordua uztailaren 1era atzeratuko litzateke. Argazkian, Areetako hautes-mahai bateko presidenteak orain dela lau urte biak agertzen ziren gaur bezalako argazkia erakusten Imanol Landa Getxoko alkateari.
Bitartean, hautesleek lau alderdi eta koalizio baino ez dute izango bozkatzeko udal guztietan: EAJ, PP, PSE-EE eta Bildu. Ondoren, Ezker Batuak zazpi zerrenda osatu ditu, Gorliz, Lemoiz eta Plentzia alde batera utzita. Bere atzean, Aralarrek sei hautagaitza eraman ditu aurrera, Barrika, Berango, Lemoiz eta Urdulizen ez dela aurkeztuko. Bina zerrenda aurkeztu dute Berdeek eta PSyV, PSE-EEren eszisioa. Ekologistek Barrikan eta Sopelan izango dira. Konstituzionalistak, ordea, Getxon eta Leioan. Azkenik, zerrenda bana osatu dute UPyD, PUM+J (biak Getxo udalerrian) eta Plentzia, Gorliz, Getxo eta Barrikako independenteak. Azken kasu hori, Juan Jose Ezpeleta Perez egungo alkate jeltzaleak aurrera eramandako eszisioa da. Bitartean, Lemoizen 9 zinegotzi izango dira aurten, 2007an baino bi gehiago, biztanleria hazi delako.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun