Uribe Kosta eta Erandion gaurko udal eta foru hauteskundeetan orain dela lau urte baino hautesle gutxiago hurbiltzen ari da bozkatzera. Espainiako Barne Ministerioak emandako datuen arabera, arratsaldeko 2etan boto gehien batu dituen udalerria Gorliz izan da, %41,46rekin, 2007an baino %2,87 gehiago. Boto kopurua igo den beste udalerriak Barrika (%36,55etik %40,75era), Leioa (%28,45etik %30,54) eta Plentzia (%38,90etik %39,14ra) izan dira. Hauteslerik nagienak Erandiokoak dira. Bertan, %29,80k besterik ez du bozkatu. Gainontzeko udaletako parte hartze datuak honakoak dira: %33,03 Berangon, %35,63 Getxon, %40,07 Lemoizen, %33,84 Sopelan eta %38,42 Urdulizen. Argazkian, Marisa Arrue popularra Algortan bozkatzen.
Bizkaiari dagokionez, duela lau urteko udal eta foru hauteskundeetakoaren parekoa dela azaldu du Barne Ministerioak, hautesleen %34,87k bozkatu duela. Gipuzkoan, berriz, boto kopurua gorantza egin du apal izan bada ere, %1,74n. Guztira, %36,83k hemen du bozka bertan. Nafarroan igoera txikiagoa izan da (%0,45), baina bozkatu duten hautesleen multzoa zabalagoa da: %40,53. Azkenik, Araba da lurraldea bakarra non parte hartzeak beherantza egin duen, %33,91etik %33,15era.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun