Orduak aurrera joan ahala, parte hartzea handituz doa Uribe Kosta eta Erandion, gaurko udal eta foru hauteskundeetan. Espainiako Barne Ministerioak emandako datuen arabera, arratsaldeko 6etan boto gehien batu dituen udalerria Lemoiz izan da, %61,45arekin, 2007an baino %0,69 gehiago. Boto kopurua igo den beste udalerriak Barrika (%51,67tik %54,52ra), Getxo (%50,53tik %52,62ra), Gorliz (%52,05etik 56,00ra), Plentzia (%53,72tik %55,98ra) eta Urduliz (%51,99tik %52,48ra) izan dira. Leioaztarrak, ordea, atzean gelditu dira, arratsaldeko 2etako datuekin alderatuta: 2007ko udal hauteskundetan baino %2,01 gutxiagokoa izaten ari da parte-hartzea Leioan (%45,02tik %43,93ra). Hauteslerik nagienak Erandiokoak izaten jarraitzen dute. Bertan, %43,50ak besterik ez du bozkatu. Gainontzeko udaletako parte hartze datuak honakoak dira: %48,41 Berangon eta %47,08 Sopelan. Argazkian, mahai bateko presidentea hautestontziak aldean Algortako San Inazio ikastetxean.
Bizkaiari dagokionez, duela lau urteko udal eta foru hauteskundeetakoa baino apur bat handiagoa (%1,03) dela azaldu du Barne Ministerioak, hautesleen %34,87k bozkatu duela. Gipuzkoan ere boto kopurua gorantza egin du apal izan bada ere, %2an. Guztira, %48,80k egin du bozka bertan. Nafarroan parte-hartzea behera egin du nabarmen (%5,27), baina bozkatu duten hautesleen multzoa zabalagoa da: %53,37. Azkenik, Araban txikiagoa izan da beherakada, %47,43tik %46,67ra.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun